Crush អ្នកណាខ្លះ? ប្អូនថ្លៃ នី រតនា បង្ហាញម៉ូតសក់ថ្មី កាន់តែសង្ហាជាងមុនទៅទៀត

ភ្នំពេញ៖ តារាចម្រៀងចំណូលថ្មី ហេង សុវណ្ណនរៈ ដែលត្រូវជាប្អូនថ្លៃរបស់ម្ចាស់ពាន Cambodian Idol នី រតនា បានទទួលការគាំទ្រយ៉ាងខ្លាំងពីសំណាក់ទស្សនិកជនក្នុងពេលបច្ចុប្បន្ន បន្ទាប់ពីលោកបានចូលរួមប្រកួតប្រជែងក្នុងកម្មវិធី X-factor Cambodia រដូវកាលទី១ ក្នុងនាមជាសមាជិកក្រុម X-fighter។ ថ្វីត្បិតតែក្រុមលោកមិនទទួលបានជោគជ័យ ប៉ុន្តែ ហេង សុវណ្ណនរៈ និងសមាជិកដទៃក៏ទទួលបានឱកាសការងារក្នុងវិស័យសិល្បៈផងដែរ តាមរយៈការចូលរួមប្រគំតន្ត្រីធំ និងការថតបង្ហាញម៉ូតផងដែរ។

ក្រៅពីទឹកដមសម្លេងពីរោះ ហេង សុវណ្ណនរៈ ក៏ទទួលបានការកោតសរសើរលើរូបសម្បត្តិដ៏ស្រស់សង្ហាផងដែរ ជាហេតុធ្វើឲ្យមានអ្នកគាំទ្រនារីៗជាច្រើនលួចក្រាស់តារាប្រុសវ័យ១៨ឆ្នាំរូបនេះមិនតិចនាក់នោះទេ។

អ្វីដែលគួរឲ្យចាប់អារម្មណ៍មួយទៀត ហេង សុវណ្ណនរៈ បានកាត់សក់ម៉ូតថ្មីខ្លីជាងមុន និងបានបង្ហោះរូបមួយចំនួនលើគណនី Instagram ផ្ទាល់ខ្លួន ដែលធ្វើឲ្យលោកកាន់តែសង្ហា និងមើលទៅប្លែក គួរឲ្យចាប់អារម្មណ៍មិនចាញ់ពេលទុកសក់វែងនោះឡើយ៕

សូមទស្សនារូបភាពខាងក្រោម៖