ស្របពេល Pat Napapa ចាប់ផ្ដើមស្នេហ៍ជាមួយមិត្តប្រុសវ័យក្មេង Boom Suphapon ថាខ្លួនក៏មិននៅទំនេរដែរ!

ថៃ៖ កាលពីពេលថ្មីៗនេះ តារាសម្ដែងស្រី Pat Napapa បានបង្ហាញមុខមិត្តប្រុសថ្មី ដែលមានអាយុតិចជាងនាងរហូតដល់ទៅ១០ឆ្នាំ។ ទាក់ទងនឹងបញ្ហានេះ តារាសម្ដែងស្រី Boom Suphaphorn ដែលត្រូវជាប្អូនស្រីដ៏ជិតស្និទ្ធិនឹង Pat Napapa បានសម្ដែងអារម្មណ៍រីករាយដែលបងស្រីរបស់នាងមានគូស្នេហ៍ថ្មី ជាពិសេសបុរសម្នាក់នោះស្រឡាញ់កូនប្រុសរបស់ Pat Napapa ដែលអាចនឹងមើលថែអ្នកទាំងពីរនៅថ្ងៃអនាគតបាន។

Boom Suphaphorn បានបញ្ជាក់ថា តាមពិតទៅនាងបានស្គាល់មិត្តប្រុសថ្មីរបស់ Pat តាំងពីដំបូងមកម៉្លេះ ហើយ Pat ក៏មិនទាន់ចង់បង្ហាញមុខមិត្តប្រុសខ្លួនជាសាធារណៈនោះដែរ តែដោយសារអ្នកគាំទ្រទទូចចង់ដឹងខ្លាំងពេក។

ទន្ទឹមនឹងនេះ Boom Suphaphorn ក៏បានលើកឡើងថា សម្រាប់នាងវិញ បេះដូងរបស់នាងក៏មិននៅទំនេរនោះដែរ ព្រោះបច្ចុប្បន្ននាងកំពុងសិក្សាចិត្តជាមួយបុរសម្នាក់នៅក្រៅសិល្បៈ ប៉ុន្តែមិនបានបង្ខំ ឬសម្រេចចិត្តថាយ៉ាងណានោះទេ ពោលគឺនាងចង់ឲ្យអ្វីៗទៅតាមធម្មជាតិ បើនិយាយពីរយៈពេលស្គាល់គ្នា ក៏ច្រើនឆ្នាំដែរហើយ។

ចំណែកឯក្រុមគ្រួសារ និង បងស្រី Pat Napapa ក៏បានស្គាល់ និងពេញចិត្តជាមួយនឹងបុរសម្នាក់នោះដែរ។ និយាយពីវិស័យសិល្បៈវិញ បច្ចុប្បន្ន Boom Suphaphorn កំពុងទទួលបាននូវការគាំទ្រយ៉ាងខ្លាំង តាមរយៈការសម្ដែងជាតួកាច ដែលពោរពេញទៅដោយល្បិចពិសពុលនៅក្នុងរឿង Leh Buphakal៕