រដ្ឋមន្ត្រីក្រសួងសុខាភិបាល លោក ម៉ម ប៊ុនហេង នៅថ្ងៃទី១៤ ខែមីនានេះ បានចេញសេចក្តីប្រកាសពីការសម្រេចផ្អាកជនបរទេស ពីអ៊ីតាលី អាល្លឺម៉ង់ អេស្ប៉ាញ បារាំង និងអាមេរិក ដោយមិនឲ្យចូលកម្ពុជា រយៈពេល៣០ថ្ងៃ ដោយគិតចាប់ពីថ្ងៃទី១៧ ខែមីនា។ ដោយអះអាងនៅក្នុងសេចក្តីប្រកាសថា នេះជាវិធានការទប់ស្កាត់បន្ទាន់របស់កម្ពុជាក្នុងការប្រយុទ្ធប្រឆាំងការចម្លង COVID-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ បច្ចុប្បន្នកម្ពុជាមានករណីឆ្លង COVID-19 ចំនួន៧ករណីហើយ ដោយករណីដំបូងជាជនជាតិចិនអាយុ៦០ឆ្នាំនៅក្រុងព្រះសីហនុ ដែលបានជាសះស្បើយ។ ករណីទីពីរជាបុរសខ្មែរអាយុ៣៨ឆ្នាំនៅខេត្តសៀមរាប បានឆ្លងពីជនជាតិជប៉ុនម្នាក់។ ហើយបីករណីទៀតកើតលើជនជាតិអង់គ្លេស ក្នុងនោះស្ត្រីម្នាក់ និងប្តីប្រពន្ធ១គូ ដែលរកឃើញលើនាវាទេសចរណ៍ Viking Cruise Journey ដែលមកពីក្រុងហូជីមិញ ហើយសំចតនៅខេត្តកំពង់ចាម។ បច្ចុប្បន្នអ្នកជំងឺទាំងបីសម្រាកព្យាបាលនៅក្រុងភ្នំពេញ។
សូមបញ្ជាក់ថា ពីរករណីចុងក្រោយ បានរកឃើញលើបុរសកាណាដា និងបែលហ្ស៊ិកម្នាក់ដែលត្រូវបានអះអាងថា ជាទេសចរក្នុងរាជធានីភ្នំពេញ៕