ក្លឹបសេះបង្កង់ Juventus បានកំណត់អត្តសញ្ញាណខ្សែបម្រើជម្រើសជាតិបារាំងវ័យក្មេងមួយរូបទៀតគឺកីឡាករ Houssem Aouar ទុកជំនួសក្នុងករណីដែលក្លឹបជោគជ័យបំផុតរបស់អ៊ីតាលីមួយនេះ មិនអាចនាំយកអតីតខ្សែបម្រើរបស់ខ្លួន ពោលគឺកីឡាករ Paul Pogba ត្រលប់មកវិញក្នុងទីផ្សារដោះដូរកីឡាករនាខែកក្កដានេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាកីឡាករឧស្សាហ៍ដូរម៉ូតសក់ Pogba នៅតែស្ថិតក្នុងជម្រើសដំបូងនៃបញ្ជីនាំចូលរបស់ក្លឹប ប៉ុន្តែហាក់ដូចជាពិបាក ខណៈដែលគ្រូបង្វឹកក្លឹបបិសាចក្រហម Manchester United លោក Ole Gunnar Solskjaer បានបញ្ជាក់ថារូបគេនឹងបន្តស្នាក់នៅកីឡដ្ឋាន Old Trafford នារដូវកាលក្រោយ ហេតុដូច្នេះទើបក្លឹប Juventus បានដាក់គោលដៅលើ Aouar ជាជម្រើសបន្ទាប់។ នេះបើតាមសារព័ត៌មាន Calcio Mercato បានចុះផ្សាយ។
សូមជម្រាបផងដែរថាកីឡាករ Houssem Aouar កំពុងធ្វើព្យុះភ្លៀងយ៉ាងខ្លាំងជាមួយក្លឹប Lyon នៅក្នុងលីគកំពូលបារាំង ខណៈដែលរូបគេអាចរកបាន ៩គ្រាប់ និងបញ្ជូនបាល់បាន ៧គ្រាប់ គ្រប់ការប្រកួតទាំងអស់ របស់ក្លឹបនារដូវកាលនេះ ក្នុងតួនាទីជាខ្សែបម្រើកណ្តាល ស្របពេលដែលរូបគេបានស្ថិតក្នុងក្រសែភ្នែករបស់មន្ត្រីអង្កេតកីឡាកររបស់ក្លឹប Juventus រយៈពេល ២រដូវកាលមកហើយ។
កីឡាករវ័យ ២១ឆ្នាំរូបនេះ នឹងមិនចាកចេញពី Lyon ក្នុងតម្លៃថោកនោះទេ គឺអាចប្រមាណ ៥០លានផោន ខណៈដែលតម្លៃនេះ អាចឱ្យក្លឹប Juventus ពិចារណា និងហាក់មានតម្លៃប្រសើរជាង Pogba ផងដែរ៕
ប្រភព៖ Goal