មិនលាក់ទុកឲ្យឆ្ងល់ទៀតទេ! Weir Sukollawat ប្រាប់ការពិតថានឹកមនុស្សស្រីម្នាក់នេះខ្លាំងណាស់

ថៃ៖ មួយរយៈចុងក្រោយនេះ តារាសម្តែងប្រុសដ៏ល្បីប្រចាំស្ថានីយ៍ទូរទស្សន៍ថៃប៉ុស្តិ៍លេខ៧ Weir Sukollawat កំពុងមានភាពមមាញឹកខ្លាំងក្នុងការងារសិល្បៈរហូតដល់គ្មានពេលនាំគូស្នេហ៍ដែលជាតារាល្បីប្រចាំប៉ុស្តិ៍លេខ៣ Bella Ranee ទៅដើរកម្សាន្តដើម្បីបង្ហាញពីភាពផ្អែមល្ហែមបង្អួតដល់អ្នកគាំទ្រនោះឡើយ។

ទោះបីជាយ៉ាងនេះក្តី ក៏ Weir Sukollawat នៅតែអាចបង្ហាញពីសេចក្តីស្រឡាញ់ដែលខ្លួនមានចំពោះ Bella ផងដែរ តាមរយៈការបង្ហោះរូបភាពគូស្នេហ៍ដែលបានថតជាមួយគ្នាកាលពីពេលទៅកម្សាន្តនៅជប៉ុន អមជាមួយនឹងសារដ៏មានន័យមួយថា "នឹកមនុស្សម្នាក់នេះ!!! អំឡុងពេលនេះ ធ្វើដំណើរទៅផ្ទះរបស់យើងបានហើយ។ សម្រាក និងរស់នៅដោយសប្បាយរីករាយ ហើយថែរក្សាសុខភាពរបស់អ្នក ... នេះគឺពេលដែលយើងត្រូវត្រលប់មកពិនិត្យមើលថែខ្លួនឯងវិញ។ សុភមង្គលគឺនៅព័ទ្ធជុំវិញយើងរាល់វិនាទី សូមស្វែងរក និងចំណាយពេលជាមួយវា។ ជីវិតរបស់យើងងាយស្រួយ រៀនបើកចិត្តឲ្យទូលាយ គិតសម្លឹងមើលឲ្យឆ្ងាយ នោះអ្នកនឹងឃើញដូចអ្វីដែលខ្ញុំបានឃើញ។ សុបិន្ដល្អណា៎!"

ការពិតទៅ សារមួយនេះមិនត្រឹមតែបង្ហាញពីការនឹករឭកចំពោះគូស្នេហ៍ប៉ុណ្ណោះទេ តែវាក៏មានអត្ថន័យអប់រំចិត្តមនុស្សម្នាក់ៗឲ្យចេះស្វែងរកសេចក្តីសុខឲ្យខ្លួនឯងផងដែរ៕

ប្រភព៖ Daradaily