ពេលនេះ នេនទុំ ចេញមុខបកស្រាយ ជុំវិញរឿងគ្រោះថ្នាក់ បុកក្របីឡើងខ្ទេចឡាន (មានវីដេអូ)

ភ្នំពេញ៖ កាលពីម៉ោងជិត ១០យប់ ឈានចូលថ្ងៃទី១២ ខែមីនា កាលពីថ្មីៗនេះ នេនទុំ បានជួបគ្រោះថ្នាក់ចរាចរណ៍ ទៅបុកជាមួយក្របីមួយក្បាល បណ្ដាលឲ្យខូចឡានយ៉ាងធ្ងន់ធ្ងរ ហើយរូបលោកក៏បានបញ្ជូនទៅមន្ទីពេទ្យដើម្បីសង្គ្រោះផងដែរ។

យ៉ាងណាមិញ ករណីគ្រោះថ្នាក់ចរាចរណ៍របស់ នេនទុំ នៅជិតប្រលានយន្តហោះខេត្តព្រះសីហនុ មិនត្រឹមតែប៉ុណ្ណោះក្រោយពីលឺដំណឹងថាលោកបានជួបគ្រោះថ្នាក់រួចមក មានហ្វេនៗមានការព្រួយបារម្មណ៍យ៉ាងខ្លាំងជាមួយសុខសុវត្ថិភាពរបស់លោក និងអ្នករួមដំណើរជាមួយនឹងគ្នាផងនោះ។

ជាក់ស្ដែង កាលពីម្សិលមិញនេះ រូបលោកបានបង្ហោះវីដេអូ​ បកស្រាយដើម្បីឲ្យមហាជនបានដឹងពីរឿងរ៉ាវនៃគ្រោះថ្នាក់ចរាចរណ៍ ដោយលោកបាននិយាយនៅក្នុងវីដេអូនោះថា ពេលនេះលោកមិនមានគ្រោះថ្នាក់អ្វីធ្ងន់ធ្ងរនោះទេ គ្រាន់តែខូចឡានតែប៉ុណ្ណោះ។

ហើយតារារូបនេះក៏បានបន្ថែមថា លោកមិនបានពិសាគ្រឿងស្រវឹងអ្វីនោះទេ សូមបងប្អូនកុំយល់ច្រឡំ ក្នុងនោះដែររូបលោកក៏បានអរគុណចំពោះគ្រប់គ្នាដែលបានបារម្មណ៍ដល់រូបលោក ជាពិសេសក៏អរគុណទៅដល់សមត្ថកិច្ច និងប្រជាពលរដ្ឋនៅជិតនោះ ដែលមានទឹកចិត្តជួយដល់លោក៕

ចង់ជ្រាប់ច្បាស់ សូមទស្សនារូបភាព និង វីដេអូខាងក្រោម៖