ភ្នំពេញ៖ ដូចដែលប្រិយមិត្តបានស្គាល់រួបមកហើយ អ្នកនាង កាតុ ដែលជាតារា កំប្លែងផងចម្រៀងផង ពិធីការិនីផង ហើយពេលកន្លងមក អ្នកនាងហាក់មានសន្ទុះនៃការគាំទ្រច្រើនពីទស្សនិកជន ទោះបីវ័យនាងកាន់តែជ្រេបែបណា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង គេសង្កេតឃើញថា មួយរយៈចុងក្រោយនេះ អ្នកនាងហាក់ដូចជាមានភាពមមាញឹកច្រើន និងកាក់កបក្នុងកិច្ចការសិល្បៈខ្លាំង តែយ៉ាងណាមិញ អ្នកនាងនៅតែបំពេញតួនាទី មើលថែទាំគ្រួសារបានយ៉ាងមានសុភមង្គលផងដែរ។
ខណៈកាន់តែកាក់កបខ្លាំង កាលពីយប់ម្សិលមិញនេះ តារាស្រីរូបនេះ បានប្រារព្ធធ្វើពិធីឡើងគេហដ្ឋានថ្មីយ៉ាងអធិកអធម ដែលស្ថិតក្នុងបុរីមួយកន្លែងក្នុងទីក្រុងភ្នំពេញ ដោយមានការអញ្ជើញភ្ញៀវចូលរួមយ៉ាងច្រើនកុះករផងដែរ។
ជាពិសេសគេឃើញមានវត្តមាន សុទ្ធតែតារាល្បីៗចូលរួមដូចជា៖ ជា វណ្ណារិទ្ធ ចំរើន សុភក្រ័ តូតា សុគន្ធ ថេរ៉ាយុ តា ប៊ុយ ថន លក្ខិណា ព្រមទាំងតារាល្បីៗជាច្រើនទៀត។
តាមរយៈរូបភាពទាំងនេះ ក៏មានការចូលរួមអបអរសាទរពីហ្វេនៗដែលគាំទ្រអ្នកនាង នៅក្នុងបណ្ដាញសង្គមជាច្រើនផងដែរ ជាពិសេសនោះគឺនាងបានធ្វើការតែងខ្លួនយ៉ាងស្អាត នៅក្នុងថ្ងៃពិសេសមួយនេះផងដែរ៕
ទស្សនារូបភាពខាងក្រោម៖