ស្ត្រីវ័យ ៧៣ ឆ្នាំម្នាក់ បង្ហាញសាច់ដុំធំៗសឹងមិនគួរឲ្យជឿ ធ្វើឲ្យបុរសល្មមៗសុំខ្មាស

កាណាដា៖ ស្ត្រីវ័យចំណាស់ម្នាក់ បានពញ្ញាក់អារម្មណ៍មហាជនអ្នកនិយមប្រើប្រាស់បណ្ដាញសង្គមជាច្រើន តាមរយៈការបង្ហោះរូបភាពចំនួនពីរសន្លឹករបស់គាត់ ដែលបានបង្ហាញពីភាពផ្លាស់ប្ដូរនៃរាងកាយស្ទើរតែមិនគួរឲ្យជឿ ត្រឹមរយៈពេលតែ ៣ ឆ្នាំប៉ុណ្ណោះ។

អ្នកលេងកាយវប្បកម្មវ័យចាស់ខាងលើមានឈ្មោះថា Joan MacDold អាយុ ៧៣ ឆ្នាំរស់ក្នុងរដ្ឋ Ontario ប្រទេសកាណាដា។ ដែលកាលពី ៣ ឆ្នាំមុន ស្ត្រីរូបនេះមានរាងធាត់ខ្លាំង និងមានទម្ងន់ជាង ៩០ គីឡូក្រាម ដែលកាលនោះគ្រូពេទ្យ បានតម្រូវឲ្យគាត់ប្រើប្រាស់ថ្នាំដើម្បីព្យាបាលជំងឺលើសឈាម កូលេស្តេរ៉ុល និងបញ្ហាច្រាលទឹកអាស៊ីតជាប្រចាំ។

យ៉ាងណាមិញ បន្ទាប់ពីអ្នកស្រី Joan MacDold បានចំណាយពេលលើកដុំដែកនៅកន្លែងហាត់អស់រយៈពេល ៣ ឆ្នាំមកនេះ បានធ្វើឲ្យទម្ងន់របស់គាត់ស្រាលជាងមុន ២០ គីឡូក្រាម និងមានសាច់ដុំដូចមនុស្សប្រុសសឹងមិនគួរឲ្យជឿផងដែរ។ ហើយបច្ចុប្បន្ន កំពូលអ្នកលេងកាយវប្បកម្មរូបនេះ ក៏កំពុងតែល្បីល្បាញខ្លាំងនៅលើបណ្ដាញសង្គម អុីនស្ដាក្រាម ដោយមានអ្នកតាមដាន (Follower) ជាង៥សែននាក់ទៀតផង៕

សូមទស្សនារូបភាពខាងក្រោម៖