រាជធានីភ្នំពេញ ៖ យុវជនម្នាក់ ក្នុងចំណោមបក្សពួក២នាក់ ត្រូវសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលនៃនាយកដ្ឋានព្រហ្មទណ្ឌក្រសួងមហាផ្ទៃ ឃាត់ខ្លួន បញ្ជូនទៅកាន់សាលាដំបូងរាជធានីភ្នំពេញ កាលពីថ្ងៃទី២៧ មីនា ខណៈយុវជនម្នាក់នោះជាប់ពាក់ព័ន្ធអំពើឆក់កាបូបអ្នកដំណើរតាមដងផ្លូវសាធារណៈ ។យុវជនដែលសមត្ថកិច្ចឃាត់ខ្លួនឈ្មោះពៅ ចាន់ ដារ៉ា អាយុ១៩ឆ្នាំ ស្នាក់នៅមិនពិតប្រាកដ ចំណែកគូកនម្នាក់ទៀត ដែលរត់គេចខ្លួនបាត់នោះមានឈ្មោះម៉ូប អាយុប្រហែល២៧ឆ្នាំ ។ ជនរងគ្រោះក្នុងអំពើឆក់កាបូបឈ្មោះដួង សុភ័ក្ត្រ ភេទស្រី អាយុ២៩ឆ្នាំ មានទីលំនៅស្ថិតក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ ។
ទាក់ទិននឹងការឃាត់ខ្លួនយុវជនម្នាក់នេះ នគរបាលក្រសួងមហាផ្ទៃឱ្យដឹងថា កាលពីវេលាម៉ោងប្រហែល៨យប់ ថ្ងៃទី២៦ មីនា ជនរងគ្រោះឈ្មោះដួង សុភ័ក្ត្រ បានជិះម៉ូតូម៉ាកស្គូពីពណ៌ខ្មៅម្នាក់ឯង ដោយមានស្ពាយកាបូប១ ។ លុះដល់ចំណុចមុខផ្ទះសំណាក់អង្គរមាសតាមផ្លូវ២៧១ សង្កាត់ទឹកថ្លា ខណ្ឌសែនសុខ ក៏ត្រូវជនល្មើស២នាក់ ជិះម៉ូតូម៉ាកស៊ុយហ្ស៊ុយគីវីវ៉ា ពណ៌ខ្មៅ ស៊េរី២០០៧ ធ្វើសកម្មភាពឆក់កាបូបពីខ្លួន ។ ខណៈឆក់កាបូបនោះ ជនរងគ្រោះបានស្រែកឆោឡោឡើងឮដល់កម្លាំងល្បាត ដឹកនាំដោយលោកវ៉ា គីរិន មន្ត្រីនគរបាលព្រហ្មទណ្ឌកម្រិតស្រាលក្រសួងមហាផ្ទៃ ក៏ដេញប៉ផាប់ចាប់ពភីងទៅមុខបន្តិចឃាត់ខ្លួនបានម្នាក់ ដែលលោតចុះពីលើម៉ូតូ ចំណែកម្នាក់ទៀតជិះគេចខ្លួនបាត់ស្រមោល ៕
ស្រីណា កោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
