បច្ចុប្បន្ន ព័ត៌មានទាក់ទងនឹងមេរោគ Covid-19 កំពុងក្លាយជាប្រធានបទក្តៅមួយក្នុងចំណោមព័ត៌មានទូទៅ ដែលត្រូវផ្សព្វផ្សាយជាសាធារណៈ ដើម្បីឲ្យមហាជនបានទទួលព័ត៌មាន និងការវិវឌ្ឍថ្មីនៃមេរោគមួយប្រភេទនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងចំណោមព័ត៌មានដែលផ្សព្វផ្សាយចេញទៅ អ្វីដែលគួរឲ្យព្រួយបារម្ភនោះ គឺព័ត៌មានក្លែងក្លាយ ឬព័ត៌មានមិនច្បាស់លាស់ទាក់ទងនឹងមេរោគ Covid-19 ផ្សព្វផ្សាយតាមបណ្តាញសង្គមផ្សេងៗ ដែលត្រូវបានមន្ត្រីរដ្ឋាភិបាលជាបន្តបន្ទាប់បានចេញមុខព្រមានក្នុងន័យកយំឲ្យមានជនឆ្លៀតឱកាសបង្កើតព័ត៌មាន បង្កការភាន់ច្រឡំ និងបង្កការភ័យខ្លាចដល់ប្រជាពលរដ្ឋខ្មែរ។
ស្ថិតក្នុងបរិបទបែបនេះ ព័ត៌មានទាក់ទងនឹងមេរោគ Covid-19 ពិតជាមានសារសំខាន់ខ្លាំងណាស់ សម្រាប់អ្នកសារព័ត៌មាន ដើម្បីទទួលបានព័ត៌មានពិត ផ្សព្វផ្សាយជូនដល់សាធារណជន ក៏ដូចជារួមចំណែកក្នុងការប្រយុទ្ធប្រឆាំងជាមួយ Covid-19 និងប្រយុទ្ធប្រឆាំងជាមួយព័ត៌មានក្លែងក្លាយ។
ដូច្នេះ ក្រុមមន្ត្រីក្រសួងព័ត៌មាន ក្រសួងសុខាភិបាល ព្រមទាំងអ្នកជំនាញសារព័ត៌មាន ចាំបាច់ត្រូវរួមគ្នាចែករំលែកព័ត៌មានឲ្យកាន់តែច្បាស់លាស់ថែមទៀត អំពីការវិវឌ្ឍថ្មីៗនៃមេរោគ Covid-19 ដោយមានក្រមសីលធម៌ និងស្របច្បាប់ ព្រមទាំងការបន្សាបព័ត៌មានក្លែងក្លាយផងដែរ៕