បារាំង៖ ថូមួយ ដែលធ្លាប់ជាកម្មសិទ្ធរបស់អធិរាជចិន Qianlong នាសតវត្សរ៍ទី១៨ ត្រូវបានលក់ក្នុងតម្លៃ ៤.៥លានដុល្លារអាមេរិក ក្នុងការដេញថ្លៃមួយកាលពីថ្ងៃទី៧ ខែមីនាសប្ដាហ៍មុននេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថូប៉សឺឡែនពណ៌សលាយខៀវនេះ ដែលតំណាងឲ្យនាគអធិរាជមួយមានក្រញាំ៥ ក្នុងការស្វែងរកគុជខ្យង បានរកឃើញដោយលោក Oliver Clair នៅក្នុងអគារផ្ទះល្វែងមួយក្នុងទីក្រុង Paris និងធ្លាក់ទៅក្នុងដៃជនជាតិចិនម្នាក់តាមរយៈការដេញថ្លៃតាមទូរសព្ទ។
អ្នកដាក់លក់ដេញថ្លៃ លោក Olivier Clair បានឲ្យដឹងថា បូករួមទាំងថ្លៃផ្សេងៗទៀត (មិនបានបញ្ជាក់ច្បាស់លាស់) ថូនេះនឹងមានតម្លៃសរុបទាំងអស់ចំនួនជាង ៥.៦លានដុល្លារអាមេរិក។ ហើយថូនេះដែរ ជាវត្ថុមួយដែលធ្វើឲ្យជនជាតិចិនចាប់អារម្មណ៍ខ្លាំង ក៏ព្រោះតែវាជាបេតិកភណ្ឌរបស់ពួកគេ។
គួររម្លឹកដែរថា កាលពីខែមិថុនា ឆ្នាំ២០១៨ ថូប៉សឺឡែនមួយផ្សេងទៀត ដែលបង្កើតឡើងសម្រាប់អធិរាជចិន Qianlong បានដាក់លក់ដេញថ្លៃក្នុងតម្លៃរហូតដល់ទៅ១៨.៤លានដុល្លារអាមេរិកឯណោះ៕
សូមទស្សនារូបភាពខាងក្រោម៖