សៀងហៃ៖ ហេតុការណ៍មួយ បានបង្កឲ្យមានការភ្ញាក់ផ្អើល ដោយសារអ្នកដំណើរជនជាតិចិនម្នាក់ បានក្អកដាក់អូតេសមួយរូបរបស់ថៃ ពេលដែលយន្ដហោះកំពុងជាប់គាំងក្នុងរយៈពេលយូរនៅឯអាកាសយានដ្ឋាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សករណីខាងលើនេះ បានកើតចំពោះជើងហោះហើរពីទីក្រុងបាងកក ទៅកាន់ទីក្រុងសៀងហៃ កាលពីថ្ងៃសុក្រសប្ដាហ៍មុន កំឡុងពេលដែលយន្ដហោះនេះ បានចុះចតនៅឯអាកាសយានដ្ឋានអន្ដរជាតិ Pudong របស់ទីក្រុងសៀងហៃ។ ប៉ុន្ដែបន្ទាប់ពីចុះចត អ្នកដំណើរទាំងអស់ពុំអាចចុះចេញបានឡើយ ដោយសារតែនីតិវិធីពិនិត្យមេរោគកូរ៉ូណា មានការរឹតបន្ដឹងខ្លាំង ទើបធ្វើឲ្យមានការរង់ចាំជាង ៧ ម៉ោង នៅឯព្រលានយន្ដហោះ ។
យោងតាមការបញ្ជាក់ពីអ្នករួមដំណើរម្នាក់បានឲ្យដឹងថា នៅមុនពេលកើតហេតុ ស្រ្តីជនជាតិចិនរូបនោះ បានស្នើសុំឲ្យអូតេសម្នាក់ដើម្បីបើកទ្វារ ប៉ុន្ដែមិនដូចចិត្ត ទើបធ្វើឲ្យអ្នកដំណើររូបនោះកើតអារម្មណ៍ឆេវឆាវ និងបង្កជាការប្រតាយប្រតប់គ្នាតែម្ដង។ ហើយភ្លាមៗនោះ អ្នកបម្រើការដទៃទៀតក៏បានមកជួយឃាត់ តែទោះជាយ៉ាងណាក្ដី ស្រី្ដដែលជាជនបង្ក មិនត្រូវបានគេឃុំខ្លួន ឬ ដាក់ខ្នោះឡើយ៕
សូមទស្សនាវីដេអូខាងក្រោម៖