ភ្នំពេញ៖ ប្រិយមិត្តច្បាស់ជានៅចាំ វ៉ាង ស្រីណូ បើទោះបី នាងចាកចេញពីសិល្បៈជាច្រើនឆ្នាំមកហើយក៏ដោយ តែក៏នៅមានទស្សនិកជនជាច្រើននៅចាំតាមដានពីជីវិតឯកជនរបស់នាងដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្រឡេកមកមើលពីជីវិតឯកជនរបស់នាង នាពេលបច្ចុប្បន្នវិញពិតជាមិនធម្មតា ដោយនាងកាន់តែមានជីវិភាពហាយសូរជាងមុន ក្រោយជោគជ័យជាមួយជំនួញផ្ទាល់ខ្លួន។ មិនត្រឹមតែប៉ុណ្ណោះ យើងសង្កេតឃើញមួយរយៈចុងក្រោយនេះនាង ប្រើរបស់របរថ្លៃៗ និងបានទៅដើរលេងក្រៅប្រទេសជាញឹកញាប់ជាដើម។
ជាការពិតណាស់ មុខជំនួញរបស់នាងកាន់តែទទួលបានភាពជោគជ័យជាងមុន ដោយថ្មីៗនេះ វ៉ាង ស្រីណូ បានបង្ហោះរូបភាពជាច្រើនសន្លឹក ដោយថ្ងៃនេះ នាងបានឡើងផ្ទះថ្មី ២ខ្នងធំស្កឹមស្កៃរាប់ម៉ឺនដុល្លារ ដោយខាងក្នុងផ្ទះនីមួយៗ ពិតជាធំទូលាយគួរឲ្យចង់រស់នៅ ហើយបរិយាកាលក៏ល្អថែមទៀតផង។
ក្រោយពីបានឃើញភាពជោគជ័យរបស់នាង ហ្វេនៗជាច្រើនបាននាំគ្នាចូលរួមអបអរដល់នាង នៅក្នុថ្ងៃពិសេសមួយនេះ បានសម្រេចបំណងប្រាថ្នាទិញផ្ទះ២ខ្នងព្រមៗគ្នាតែម្តង៕
សូមទស្សនារូបភាពខាងក្រោម៖