ពិតជាពូកែច្នៃប្រឌិតមែន! Katy Perry ប្រាប់ពីវីធីលាក់កុំឲ្យឃើញមានផ្ទៃពោះពេលចូលរួមកម្មវិធីនានា (មានវីដេអូ)

បរទេស៖ តារាចម្រៀង Pop ដ៏ល្បីលំដាប់ថ្នាក់ពិភពលោក Katy Perry បានផ្តល់នូវភាពភ្ញាក់ផ្អើលមួយយ៉ាងខ្លាំងទៅដល់អ្នកគាំទ្រ តាមរយៈការបញ្ចេញនូវវីដេអូចម្រៀង (MV) បទ Never Worn White ទាំងដែលនាងកំពុងពរពោះកូនដំបូងរយៈពេល៦ខែ ជាមួយនឹងគូដណ្ដឹង គឺតារាសម្តែងប្រុសដ៏ល្បីឈ្មោះលោក Orlando Bloom។ បទចម្រៀងមួយនេះទទួលបាននូវការគាំទ្រយ៉ាងខ្លាំង ដោយសារបទនេះនិយាយទាក់ទងទៅនឹងរឿងរ៉ាវនៃការពរពោះកូនដំបូងរបស់នាង គួបផ្សំនឹងរឿងរ៉ាវស្នេហារបស់នាង ជាមួយគូដណ្ដឹងផងដែរ។ ត្រឹមរយៈពេល៣ថ្ងៃ វីដេអូបទនេះមានចំនួនការចូលទស្សនាច្រើនរហូតដល់ទៅ ១៩ លានដង។

ទន្ទឹមនឹងនេះ អ្នកគាំទ្រជាច្រើនក៏បានសម្តែងនូវការងឿងឆ្ងល់ផងដែរ ថាតើ Katy Perry អាចលាក់បាំងមិនឲ្យគេឃើញថានាងមានផ្ទៃពោះដោយវិធីណា នៅពេលដែលនាងចូលរួមកម្មវិធីនានាម្តងៗ ទាំងដែលអាយុគត៌របស់នាងគឺរហូតដល់ទៅ៦ខែទៅហើយ។

ជុំវិញបញ្ហានេះ សាមីខ្លួន Katy Perry បានចេញមុខបកស្រាយហើយថា ខ្លួនចាំបាច់ត្រូវរើសយកសម្លៀកបំពាក់ណាដែលមានខ្នាតធំជាងខ្លួនខ្លាំង (Oversize) និងប្រើប្រាស់អ្វីមួយដើម្បីបិទបាំងផ្ទៃពោះ ដូចជាកាបូបធំជាដើម។ និយាយជារួម អ្នកគាំទ្រពិតជាកោតសរសើរនឹងភាពរឹងមាំ ក៏ដូចជាចូលរួមអបអរនឹងដំណឹងល្អរបស់តារាស្រីរូបនេះ ជាមួយនឹងគូដណ្ដឹងជាខ្លាំង៕

សូមទស្សនារូបភាព និង វីដេអូខាងក្រោម៖

ប្រភព៖ Daradaily