ភ្នំពេញ៖ តារាសម្តែងស្រីដ៏ល្បីឈ្មោះក្នុងវិស័យភាពយន្តខ្មែរ កញ្ញា ដួង ម៉ានិច មិនត្រឹមតែមានរូបសម្រស់ស្អាតប៉ុណ្ណោះទេ ប៉ុន្តែកញ្ញាក៏មានសមត្ថភាពក្នុងការសម្ដែងយ៉ាងប៉ិនប្រសប់ផងដែរ នៅគ្រប់ប្រភេទតួសម្តែងទាំងអស់ មិនថាតែតួកាច ឬស្លូតនោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីមួយរយៈមុន នៅលើបណ្តាញសង្គមហ្វេសប៊ុក មានការបង្ហោះរូបភាព និងវីដេអូ Troll ដួង ម៉ានិច ព្រោងព្រាត រួមមានទាំងវីដេអូរាំ វីដេអូយំ និងរូបភាពបែបកំប្លែងៗជាច្រើនទៀត គួបផ្សំនឹងការដាក់រហស្សនាមថា ម៉ាក់និច ទៀតផង។ ទោះបីជាយ៉ាងនេះក្តី ក៏សាមីខ្លួនមិនបានសម្តែងអារម្មណ៍ខឹងសម្បា ឬប្រតិកម្មខ្លាំងអ្វីឡើយ ដែលនេះសរបង្ហាញឲ្យឃើញពីភាពមិនប្រកាន់ខ្លួនច្រើនរបស់តារាស្រីរូបនេះ។
បច្ចុប្បន្ន ដួង ម៉ានិច កំពុងទទួលបាននូវការគាំទ្រយ៉ាងខ្លាំង តាមរយៈការសម្តែងក្នុងរឿង កូនប្រសារអ្នកមាន នៅលើកញ្ចក់ទូរទស្សន៍ហង្សមាស HDTV។ ក្នុងរឿងនេះ ដួង ម៉ានិច សម្ដែងជាតួអង្គ នាងផា ឬជំទាវផា ហើយអ្វីដែលសំខាន់ គឺម៉ាក់និចត្រូវសម្ដែងតាំងពីក្មេងរហូតដល់ចាស់តែម្ដង។ លើសពីនេះទៅទៀត តួអង្គរបស់ម៉ាក់និច គឺកាចខ្លាំង មុខលុយ ហើយសម្បូរទៅដោយល្បិចពិសពុលដែលធ្វើឲ្យអ្នកទស្សនាអត់ទ្រាំមិនសរសើរទេពកោសល្យដ៏ប៉ិនប្រសប់របស់ ដួង ម៉ានិច មិនបាន៕
បើចង់ជ្រាបច្បាស់ថា ម៉ាក់និច សម្តែងតួកាចមានលក្ខណៈបែបណា សូមទស្សនារូបភាពខាងក្រោម៖
Bong I.T