សើចឡើងគាំងហើយ តាមពិត ក្នុងរឿងចិន ពេលជិះសេះម្តងៗ គេធ្វើបែបនេះសោះ (មានវីដេអូ)

បរទេស៖ ជាការពិតណាស់រឿងភាគនីមួយៗមិនថាតែរឿងភាគក្នុងស្រុកឬក្រៅស្រុកទេ សុទ្ធសឹងតែមានការសម្រិតសម្រាំងយ៉ាងពិសេសសម្រាប់ទស្សនិកជន ដែលជាអ្នកទស្សនាមើលហើយអាចធ្វើឲ្យពួកគេមានអារម្មណ៍ថា ពួកគេដូចទៅនឹងតួអង្គដែលស្ថិតក្នុងស្ថានភាពនៃរឿងពិតៗ មិនថាតែរឿងបែបកំប្លែង កម្សត់ ឬមួយក៏ភ័យរន្ធត់ បុរាណក្នុងឈុតមានសង្រ្គាមជាដើម។

ជាក់ស្ដែង ប្រិយមិត្តដែលតែងនិយមតាមដាន រឿងភាគបុរាណចិន ប្រាកដជាបានដឹង ហើយ អំពីសាច់រឿង បែបបុរាណ ដែលមានការតុបតែងខ្លួន សកម្មភាពសម្ដែង តួសម្ដែងនីមួយៗ ទីតាំងថត បច្ចេកទេសថត គឺឃើញថាមានការសម្រិតសម្រាំងល្អមែនទែន ទើបធ្វើឲ្យ រឿងចេញមកមួយៗមានអ្នកជក់ចិត្តតាមដានច្រើនផងដែរ។

ជាមួយគ្នានេះដែរ ទន្ទឹងនឹងការគាំទ្រច្រើន តាមរយៈសាច់រឿងពេលថតចប់នឹងកែសម្រួលរួច ប្រិយមិត្តទាំងអស់គ្នាប្រាកដជាលាន់មាត់ថា ឈុតឆាកទាំងនោះពិតជាល្អមើលដូចទៅនឹងស្ថានភាពពិតៗ ប៉ុន្តែបើយើងក្រឡេកមកមើល នូវឈុតឆាកនៅខាងក្រៅឆាកវិញ ប្រិយមិត្តទាំងអស់ប្រាកដជាទប់សំណើចមិនបានជាក់ជាមិនខាន។

ខាងក្រោមនេះជាឈុតឆាកដ៏គួរឲ្យអស់សំណើច នៃការជិះសេះ ដែលមាននៅក្នុងសាច់រឿងបុរាណចិនមួយចំនួន ដែលសេះដែលតួអង្គកំពុងតែជិះនោះ គ្រាន់តែជាសេះជ័រ ខ្លះទៀតគ្រាន់តែជាការរៀបចំឧបករណ៍ផ្សេងៗឲ្យមើលទៅដូចសេះប៉ុណ្ណោះ។

ចង់ជ្រាបច្បាស់ សូមទស្សនារូបភាពវីដេអូខាងក្រោមទាំងអស់គ្នា!!