ភ្នំពេញ៖ ដើម្បីចូលរួមអបអរទិវាសិទ្ធិនារីអន្តរជាតិ (៨ មីនា) ក្រុមហ៊ុនអាកាសចរណ៍ជំនាន់ថ្មី Vietjet នឹងផ្តល់ជូនការបញ្ចុះតម្លៃ ៨៣% លើរាល់សំបុត្រហោះហើរតាមផ្លូវអាកាសទាំងអស់ ជាមួយនឹងកូដប្រូម៉ូសិន «BOOKNOW83» និងបញ្ចុះតម្លៃ៣៨% នៅលើសំបុត្រវីអាយភី Skyboss ជាមួយកូដប្រូម៉ូសិន «SKYBOSS38»។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកម្មវិធីប្រូម៉ូសិន នឹងចាប់ផ្តើមនៅថ្ងៃនេះ រហូតដល់ថ្ងៃទី០៨ ខែមីនា ឆ្នាំ២០២០ និងមានសុពលភាពសម្រាប់រាល់ជើងហោះហើរទាំងអស់ក្នុងប្រទេសវៀតណាម ថៃ និងផ្លូវហោះហើរអន្តរជាតិ ដែលភ្ជាប់ប្រទេសវៀតណាមជាមួយនឹងកម្ពុជា ថៃ ឥណ្ឌា ជប៉ុន ឥណ្ឌូនេស៊ី តៃវ៉ាន់ សិង្ហបុរី ម៉ាឡេស៊ី មីយ៉ាន់ម៉ា និងគោលដៅជាច្រើនទៀត។ សំបុត្រក្នុងប្រម៉ូសិននេះ មានសុពលភាពសម្រាប់ការធ្វើដំណើរចាប់ពីពេលនេះ រហូតដល់ថ្ងៃទី៣១ ខែឧសភា ឆ្នាំ២០២០។ ក្រុមហ៊ុន Vietjet ពិតជារីករាយក្នុងការផ្តល់ជូនកាដូទាំងនេះ ដល់រាល់ស្ត្រីទាំងអស់ ដែលកំពុងតែសម្លឹងរកការធ្វើដំណើរអំឡុងទិវាសិទ្ធិនារីអន្តរជាតិនេះ។
ជាមួយនឹងកម្មវិធីប្រូម៉ូសិនដ៏ពិសេសនេះ អ្នកដំណើរទាំងអស់ ក៏អាចរីករាយជាមួយនឹងបទពិសោធដ៏អស្ចារ្យនៃសំបុត្រហោះហើរប្រភេទ Skyboss ជាមួយនឹងមនុស្សជាទីស្រឡាញ់របស់ខ្លួនផងដែរ ដោយសារតែមានសេវាបន្ថែមជាច្រើន។ សេវាបន្ថែមទាំងនោះរួមមាន កន្លែងរង់ចាំពិសេស សិទ្ធិអាទិភាពចុះឈ្មោះ សិទ្ធិអាទិភាពឡើងយន្តហោះ មានរថយន្ត SkyBoss ឯកជនរង់ចាំទទួល ទទួលបានកៅអីអង្គុយជួរមុខ និងមានផាសុកភាព ផ្តល់ជូនអាហារ និងភេសជ្ជៈដោយឥតគិតថ្លៃ ជាមួយនឹងជម្រើសម្ហូបអាហារដ៏ឈ្ងុយឆ្ងាញ់ និងក្តៅៗចំនួន៩មុខលើយន្តហោះ អាចស្ពាយកាបូបតាមខ្លួនទម្ងន់១០គីឡូក្រាម ដាក់ឥវ៉ាន់ ឬកាបូបវាយកូនគោលបានដល់ទៅ៣០គីឡូក្រាម ដោយឥតគិតប្រាក់ និងផ្លាស់ប្តូរកាលវិភាគហោះហើរដោយសេរី បូករួមជាមួយនឹងអត្ថប្រយោជន៍ជាច្រើនផ្សេងទៀត។
សំបុត្រក្នុងប្រូម៉ូសិននេះ អាចយកជាវបានគ្រប់ពេលទាំងអស់ ចាប់ពីពេលនេះ រហូតដល់ចុងថ្ងៃទី០៨ ខែមីនា តាមរយៈប៉ុស្តិ៍ទាំងអស់ រួមមានលើគេហទំព័រ www.vietjetair.com កម្មវិធីដំឡើងលើទូរស័ព្ទ «Vietjet Air» និងទំព័រ Facebook គឺ www.facebook.com/vietjetcambodia។ ក្រៅពីនេះ អ្នកដំណើរអាចកក់សំបុត្រ តាមរយៈទូរស័ព្ទលេខ +8419001886 និងតាមរយៈភ្នាក់ងារផ្លូវការ និងការិយាល័យលក់សំបុត្ររបស់ Vietjet៕
- មិនរាប់បញ្ចូលពន្ធ និងតម្លៃផ្សេងៗ
- មិនរាប់បញ្ចូលថ្ងៃសម្រាកបុណ្យជាតិ