និយាយទាំងទឹកមុខស្រពាប់ស្រពោន លាយឡំទឹកភ្នែករលីងរលោងក្នុងការផ្សាយផ្ទាល់នៅមុខសារព័ត៌មានជាច្រើនពីការបញ្ចប់បញ្ហាបណ្ដឹងតវ៉ាពីសំណាក់ប្រជាពលរដ្ឋ លោកព្រាប សុវត្ថិ បានប្រាប់ថាថ្ងៃនេះលោកសប្បាយចិត្តដែលបានមកជួបជុំអ្នកភូមិ ប៉ុន្តែពេលខ្លះលោកក៏ខូចចិត្តខ្លួនឯងដែលលោកមិនបានដឹង ហើយអ្នកភូមិនាំគ្នាធ្វើបែបហ្នឹងដាក់លោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរឿងនេះ លោកថាបានធ្វើឲ្យខ្លួនខូចចិត្តខ្លាំងណាស់។ បញ្ហានេះលោកថា បានធ្វើឲ្យមានការយល់ច្រឡំរហូតធ្វើឲ្យប៉ះពាល់ដល់កិត្តិយសលោក ដោយសារមិនបានជួបជជែកទល់មុខគ្នាឲ្យបានច្បាស់ពីបញ្ហាជាមុន រហូតបញ្ហារាលដាលទៅកាន់សារព័ត៌មាននានា ហើយមានមហាជនជាច្រើនបានជេរត្មះតិះដៀលលោកពេញៗមាត់។
លោកបានសុំផ្ដាំផ្ញើទៀតថា៖ «បើយើងធ្វើអីក៏ដោយ យើងត្រូវតែមានច្បាប់ មានភូមិ ឃុំ អាជ្ញាធរជាបង្គោលធំណាស់ អ៊ិចឹងបងប្អូនមានអីក៏ដោយក៏ត្រូវទាក់ទង កុំឲ្យហួសហើយ ខូចចិត្តស្ដាយ រួចហើយសុំទោស»។
បង្ហាញនូវអារម្មណ៍សោកសៅនេះ លោកក៏បានសំណូមពរទៅកាន់អ្នកភូមិផង របងជាមួយ មិនថានៅភូមិលោក ឬភូមិដទៃទៀតទេដែលមានរឿងរ៉ាវដូចលោកសុំឲ្យគិតពិចារណាឲ្យបានជ្រៅ ហើយមានបញ្ហាអីយើងត្រូវតែសួរច្បាប់ជាមុន។
គួររំឭកថា ក្រោយពីប្រជាពលរដ្ឋរស់នៅក្នុងសង្កាត់គោកឃ្លៀងចំនួន ៧០គ្រួសារ បានដាក់ពាក្យបណ្ដឹងប្ដឹងលោកព្រាប សុវត្ថិ លើ ៤ ចំណុចមាន៖ ១ បញ្ហាចតឡានគ្មានសណ្ដាប់ធ្នាប់លើផ្លូវសាធារណៈ។ ២ ការធ្វើរោងឈើចូលមកលើផ្លូវសាធារណៈ។ ទី៣ បញ្ហាស្លឹកឈើផ្ទះលោក ព្រាប សុវត្ថិ ធ្លាក់ចូលផ្ទះអ្នកជិតខាង និង៤ បញ្ហា ការបំពងសំឡេងឡានលឺៗ បង្កការរំខានដល់អ្នកជិតខាង។
ជុំវិញបញ្ហានេះ ទាំងពលរដ្ឋ និងលោក ព្រាប សុវត្ថិ បានជួបជុំដោះស្រាយគ្នាក្រោមការសម្របសម្រួលរបស់អាជ្ញាធរដែនដីគោកឃ្លៀងផងដែរ៕