ក្រសួងសេដ្ឋកិច្ច និងហិរញ្ញវត្ថុបានប្រកាសនៅថ្ងៃព្រហស្បតិ៍កន្លងថា ខ្លួនកំពុងធ្វើការជាមួយក្រសួងសុខាភិបាលក្នុងការផ្តល់ថវិកាចំនួន ៣០ លានដុល្លារដើម្បីផ្តល់ហិរញ្ញប្បទានដល់កិច្ចប្រឹងប្រែងតាមដានវីរុស Covid-19 នៅប្រទេសកម្ពុជា ខណៈដែលការផ្ទុះឡើងនៃវីរុសដែលបានឆ្លងដល់ជាង ៧០ ប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រសួងបាននិយាយថាការបែងចែកនេះនឹងត្រូវប្រើសម្រាប់វិធានការបង្ការ និងតាមដានក៏ដូចជាដើម្បីព្យាបាលអ្នកជម្ងឺដែលបានឆ្លងវីរុសនេះផងដែរ។
សេចក្តីថ្លែងការណ៍នោះបានសរសេរថា៖ “ តាមរយៈការបង្កើតប្រព័ន្ធការពារ និងកន្លែងត្រួតពិនិត្យគឺត្រូវការថវិកា” ។ ឧទាហរណ៍៖ ដើម្បីស្វែងរកអ្នកដែលមានអាការៈឆ្លងជំងឺនេះនិងការពារព្យាបាលក្នុងករណីបើមានការឆ្លង។
អ្នកនាំពាក្យក្រសួងសុខាភិបាលបាននិយាយថា មូលនិធិនេះក៏នឹងត្រូវបានប្រើដើម្បីរៀបចំ ឲ្យមានវេជ្ជបណ្ឌិតនៅមន្ទីរពេទ្យ និងការទិញសម្ភារៈផ្សេងៗដែលត្រូវការ។
លោកស្រីបាននិយាយថា៖ “ មានការពិចារណាយ៉ាងស៊ីជម្រៅអំពីតំរូវការសំភារៈវេជ្ជសាស្ត្រក៏ដូចជាវិធីព្យាបាលចាំបាច់សំរាប់ការថែទាំអ្នកជំងឺ ប្រសិនបើយើងរកឃើញអ្នកណាម្នាក់មាន អាការ:ឆ្លង និងមានវីរុស Covid-19នេះ” ។
គួរបញ្ជាក់ថា ការប្រកាសនេះធ្វើឡើងមួយថ្ងៃបន្ទាប់ពីលោកនាយករដ្ឋមន្រ្តីហ៊ុន សែនបានអំពាវនាវ ឲ្យក្រសួងពាក់ព័ន្ធទាំងអស់ត្រៀមប្រយុទ្ធប្រឆាំងនឹងការផ្ទុះឡើងនៃវីរុស។ លោកថែមទាំង ស្នើឱ្យក្រសួងកាត់បន្ថយចំណាយដោយមិនរាប់បញ្ចូលប្រាក់ខែពាក់កណ្តាលដើម្បីត្រៀមសម្រាប់ ការរីករាលដាលមេរោគនៅកម្ពុជា។
គួររំឭកថា បុរសជនជាតិជប៉ុនម្នាក់ដែលធ្វើដំណើរចេញពីខេត្តសៀមរាប ទៅកាន់វៀតណាម និងបន្តទៅជប៉ុនត្រូវបានគេធ្វើតេស្តរកឃើញវីរុសនាសប្តាហ៍នេះ នៅទីក្រុង ណាហ្គូយ៉ាប្រទេសជប៉ុន។ហើយក្រៅពីនោះមនុស្ស ៤៤ នាក់ដែលធ្លាប់ទាក់ទង ត្រូវបានដាក់ឱ្យនៅដោយឡែក ដើម្បី ទប់ស្កាត់ការរីករាលដាលនៃជំងឺនេះនៅកម្ពុជា។
យ៉ាងណា អ្នកតស៊ូមតិគណនេយ្យភាពលោកសន ជ័យមានប្រសាសន៍ថាថវិកាចំនួន ៣០ លានដុល្លានេះមិនគ្រប់គ្រាន់ សម្រាប់ទំហំនៃការផ្ទុះឡើងជាពិសេសប្រសិនបើវារាលដាល យ៉ាងឆាប់រហ័ស នៅក្នុងប្រទេសកម្ពុជា។
លោកបានមានប្រសាសន៍ថា៖ “ លើសពីនេះទៀតការប្រើឧបករណ៍បង្ការគួរតែមាននៅតាមសហគមន៍សាលារៀន និងតំបន់ឧស្សាហកម្មដូចជារោងចក្រជាដើម”៕