នាយកដ្ឋានប្រឆាំងនឹងជំងឺឆ្លង (CDC) នៅថ្ងៃ៥មីនានេះបានបង្ហោះនៅលើហ្វេសប៊ុកផ្លូវការរបស់ខ្លួនថា ក្រោយពីទទួលបានព័ត៌មានថាជនជាតិជប៉ុនមានផ្ទុកមេរោគ COVID-19 មន្រ្តីសុខាភិបាល និងស្ថាប័នពាក់ព័ន្ធនៃខេត្តសៀមរាប កំពុងធ្វើការលើករណីនេះដោយតម្លាភាពបំផុត និងធ្វើការប្រកបដោយភាពត្រឹមត្រូវបំផុតទៅតាមនីតិវិធីរបស់អង្គការសុខភាពពិភពលោក មជ្ឈណ្ឌលប្រយុទ្ធនឹងជំងឺឆ្លងសហរដ្ឋអាមេរិក និងវិទ្យាស្ថានប៉ាស្ទ័រ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទំព័រហ្វេសបុករបស់ CDC បានថ្លែងដូច្នេះថា៖«យើងបានរកឃើញអ្នកប៉ះពាល់ផ្ទាល់ ៤នាក់ និងប្រមាណ ៤០នាក់ប៉ះពាល់ប្រយោល ដែលតំរូវឱ្យគាត់នៅដោយឡែកពីគេចំនួន ១៤ថ្ងៃ និងតាមដានសុខភាព បើមានចេញរោគសញ្ញាត្រូវយកវត្ថុវិភាគជាបន្ទាន់ រហូតពេលនេះពួកគាត់ពុំទាន់មានរោគសញ្ញានៅឡើយទេ ។»
នាយកដ្ឋានបានបន្ថែមទៀតថា៖ «សូមបញ្ជាក់ថាជនជាតិជប៉ុននេះគាត់ជាអ្នកធុរកិច្ចគាត់បានធ្វើដំណើរជាបន្តបន្ទាប់ក្នុងរយ:ពេលខ្លីពី ប្រទេសវៀតណាម ប្រទេសថៃ ប្រទេសហ្វ៊ីលីពីន ប្រទេសកម្ពុជា បន្ទាប់មកទៅវៀតណាម និងត្រលប់ចូលប្រទេសជប៉ុនវិញហើយ។ ក្រោយមកបុរសជប៉ុនខាងលើត្រូវគេរកឃើញវិជ្ជមានលើCOVID-19 នៅជប៉ុន។»
លោក លី សុវណ្ណ អ្នកនាំពាក្យក្រសួងសុខាភិបាលបានបញ្ជាក់ពីតួលេខនេះ។ ស្របជាមួយគ្នានេះដែរ បើតាមការឲ្យដឹងរបស់ក្រសួងសុខាភិបាល គិតត្រឹមម៉ោង ៤ល្ងាច ថ្ងៃទី ៥ មីនា ២០២០ នេះ ប្រទេសកម្ពុជាមិនទាន់រកឃើញករណីថ្មីនៅឡើយទេ។
តែទោះជាយ៉ាងនេះក្តី ក្រសួងសុខាភិបាលក៏បានអំពាវនាវដល់អ្នកធ្លាប់មានទំនាក់ទំនងជាមួយជនជាតិជប៉ុនឆ្លងCOVID-19 ត្រូវប្រញាប់មកពិនិត្យសុខភាពជាបន្ទាន់ ដោយត្រូវទាក់ទងមកលេខទូរស័ព្ទទាន់ហេតុការណ៍របស់ក្រសួងសុខាភិបាល តាមរយៈលេខទូរស័ព្ទបន្ទាន់ ១១៥៕
Bong I.T