បរទេស៖ ផ្កាយព្រះគ្រោះដែលមានទំហំប៉ុនភ្នំអេវើរេស កំពុងធ្វើដំណើរឆ្ពោះមកកាន់ផែនដី នៅខែក្រោយ ប៉ុន្ដែអ្នកវិទ្យាសាស្ដ្ររំពឹងទុកថា វាមិនអាចបុកភពរបស់យើងទេ។ អាចម៍ផ្កាយនេះត្រូវបានគេដាក់ឈ្មោះថា 52768 ឬ 1998 OR2 ហើយវាអាចមានទទឹងចន្លោះពី ១.៧ទៅ៤គីឡូម៉ែត្រ។ វានឹងឆ្លងកាត់ផែនដី ក្នុងរយៈចម្ងាយ ៦,២០០,០០០គីឡូម៉ែត្រ និងមានល្បឿនរហូតដល់ ៣១,០០០គីឡូម៉ែត្រ ក្នុងមួយម៉ោង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាចម៍ផ្កាយមួយនេះត្រូវបានរកឃើញដំបូង ដោយអង្គការណាសា ក្នុងឆ្នាំ១៩៩៨ ហើយទំហំរបស់វាគឺធំល្មម ដែលអាចបំផ្លាញពិភពលោកទាំងមូល ប្រសិនបើវាហោះមកបុកផែនដីមែននោះ។ ដំណើរហោះមកជិតនេះ ត្រូវបានគេរំពឹងទុកថា អាចនឹងកើតឡើងនៅថ្ងៃទី២៩ ខែមេសា វេលាម៉ោង៤:៥៦នាទីល្ងាច (កម្ពុជា) នេះបើយោងតាមអង្គការណា ដែលតាមដានអង្គហោះមកក្បែរផែនដី (NEAT)។
លោកបណ្ឌិត Steven Pravdo ប្រធានគម្រោង NEAT បាននិយាយថា ការរកឃើញផ្កាយព្រះគ្រោះ 52768 បានធ្វើឡើង ដោយផ្អែកលើកម្មវិធីរបស់ណាសា ដែលបានដំឡើងផ្នែកគណនា និងវិភាគទិន្នន័យទំនើប ដែលអាចបង្កើនល្បឿន ក្នុងការស្វែងរកអង្គដែលនៅជិតផែនដី។ ទីភ្នាក់ងារព័ត៌មាន CNN បានរាយការណ៍ថា អាចម៍ផ្កាយនេះបានហោះជុំវិញព្រះអាទិត្យ ជារៀងរាល់ ១,៣៤០ថ្ងៃឬ៣.៦៧ឆ្នាំម្ដង ហើយគម្រប់ការវិលជុំវិញអ័ក្សរបស់វារៀងរាល់ ៤.១១ថ្ងៃ៕