Single យូរពេក! ពេទ្យស្រី ស្នើសុំប្រទេសចិន ស្វែងរកមិត្តប្រុសឲ្យនាងម្នាក់ ទុកជារង្វាន់នៃការខិតខំព្យាបាលអ្នកផ្ទុកវីរុស Covid-19

ចិន៖ ថ្មីៗនេះ គិលានុបដ្ឋាយិកាម្នាក់ឈ្មោះថា Tian Fangfang វ័យ៣០ឆ្នាំ បានបង្ហោះរូបថតទៅលើបណ្ដាញសង្គម ដែលបង្ហាញពីរូបនាងផ្ទាល់ស្ថិតក្នុងឯកសណ្ឋានព្យាបាលអ្នកជំងឺ និងឈរកាន់ក្រដាសមួយសន្លឹកដោយសរសេររៀបរាប់ថា៖

នាង Tian បានឲ្យដឹងថា រូបនាងផ្ទាល់មានការភ្ញាក់ផ្អើលជាខ្លាំង នៅពេលដែលរូបថតរបស់នាង មានភាពល្បីល្បាញយ៉ាងឆាប់រហ័សត្រឹមតែមួយយប់ប៉ុណ្ណោះ និងប្រជាជនក្នុងប្រទេសទាំងមូលដឹងថានាងកំពុងស្វែងរកដៃគូរួមជីវិត។ ហើយបុរសក្នុងក្ដីស្រមៃរបស់នាងគឺត្រូវមានកម្ពស់ខ្ពស់ ដោយសារតែនាងមានកម្ពស់រហូតដល់ទៅ១.៧០សង់ទីម៉ែត្រឯណោះ។

ប្រភពសារព័ត៌មានបានឲ្យដឹងដែរថា នាង Tian គឺជាបុគ្គលិកពេទ្យមកពីខេត្ត Hunan ដែលត្រូវបញ្ជូនមកព្យាបាលអ្នកជំងឺនៅទីក្រុងវូហានតាំងពីថ្ងៃទី១១ ខែកុម្ភៈមកម៉្លេះ។ ចំណែកឪពុករបស់នាងវិញ ក៏ធ្លាប់ជាបុគ្គលិកពេទ្យផងដែរ ដែលធ្លាប់ព្យាបាលអ្នកជំងឺផ្ទុកវីរុសសា (SARS) កាលពីឆ្នាំ២០០៣។

ជុំវិញរឿងរ៉ាវខាងលើនេះ នាង Tian ក៏បានបញ្ជាក់ថា នាងគ្រាន់តែបង្ហោះរូបថតលេងសើច ដើម្បីឲ្យប្រជាជនចិនសើចសប្បាយប៉ុណ្ណោះ ដោយចង់ឲ្យពួកគេមានមានក្ដីសង្ឃឹមថាអ្វីៗនឹងប្រសើរឡើងវិញនៅថ្ងៃមុខ ខណៈវីរុស Covid-19 កំឡុងរាតត្បាត។ បើទោះជានាងត្រូវការមិត្តប្រុសក៏ដោយ ក៏ការព្យាបាលអ្នកជំងឺ គឺជាកាតព្វកិច្ចដ៏សំខាន់បំផុតសម្រាប់នាងនៅពេលនេះ៕

សូមទស្សនារូបភាពខាងក្រោម៖