កាណាដា៖ និស្សិតផ្នែកតារាសាស្ដ្រ នៃសាកលវិទ្យាល័យ British Columbia ធ្លាប់បានរកឃើញភពចំនួន៤ ក្នុងពេលកំពុងសិក្សាថ្នាក់បរិញ្ញាប័ត្រ។ ឥឡូវ Michelle Kunimoto ក្លាយជាបេក្ខជនបណ្ឌិត និងបានរកឃើញភពចំនួន១៧បន្ថែមទៀត ដោយស្រាវជ្រាវទិន្នន័យ ចេញពីបេសកកម្ម Kepler របស់អង្គការណាសា ដែលបានបញ្ចប់ក្នុងឆ្នាំ២០១៨។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនតែប៉ុណ្ណោះ ភពមួយត្រូវបានគេសន្មត់ថា អាចទ្រទ្រង់ជីវិតបានផងដែរ។ ចម្ងាយរបស់ភពនោះអនុញ្ញាតឲ្យ មានសីតុណ្ហភាពនិងលក្ខខណ្ឌ ដែលអាចសមស្របសម្រាប់ទឹករាវនិងជីវិត នៅលើផ្ទៃរបស់វា។ ការសិក្សាមួយរួមទាំងការរកឃើញរបស់នាង ត្រូវបានចុះផ្សាយកាលពីថ្ងៃព្រហស្បតិ៍ នៅក្នុងទស្សនាវដ្ដីតារាសាស្ដ្រ។
ភពដែលអាចទ្រទ្រង់ជីវិតនោះ មានឈ្មោះថា KIC-7340288 b ហើយវាមានទំហំប្រហែល ១.៥ដង នៃផែនដីរបស់យើង។ វាប្រហែលជាមានថ្ម ដូចភពរបស់យើង និងមិនមែនជាភពឧស្ម័ននោះទេ។ មួយឆ្នាំនៅលើភពមួយនោះ មានរយៈពេលត្រឹមតែ ១៤២.៥ថ្ងៃ នៃផែនដីរបស់យើង ហើយគន្លងរបស់វាមានទំហំធំជាង ភពពុធវិលជុំវិញព្រះអាទិត្យរបស់យើងបន្ដិច។ វាទទួលបានមួយភាគបីនៃពន្លឺ ដែលភពផែនដីយើងទទួលបាន ពីព្រះអាទិត្យ។
Kunimoto បានរកឃើញភពទាំងអស់នេះ ដោយប្រើវិធីសាស្ដ្រឆ្លងកាត់ (ភពហោះកាត់ពន្លឺផ្កាយរបស់វា) នៅពេលក្រឡេកមើលទិន្នន័យបេសកកម្ម Kepler របស់ណាសា។ កញ្ញា Kunimoto បាននិយាយថា «រាល់ពេលដែលភពឆ្លងកាត់ពីមុខផ្កាយវា វានឹងបាំងផ្នែកណាមួយនៃពន្លឺរបស់ផ្កាយនោះ ហើយបណ្ដាលឲ្យពន្លឺផ្កាយ ធ្លាក់ចុះជាបណ្ដោះអាសន្ន»។ «តាមរយៈការរកឃើញចំណុចតូចៗទាំងនេះ ដែលត្រូវបានគេស្គាល់ថា ជាដំណើរឆ្លងកាត់ ហើយយើងអាចចាប់ផ្ដើមបញ្ចូលគ្នា នូវព័ត៌មានអំពីភពនោះ ដូចជាទំហំរបស់វា និងរយៈពេលដែលវាត្រូវធ្វើដំណើរ នៅក្នុងគន្លងគោចរ»។ ភពដែល Kunimoto រកឃើញ ភាគច្រើនមានទំហំធំជាងផែនដីរបស់យើង រហូតដល់ទៅ៨ដង៕