ភ្នំពេញ៖ The Mask Singer Cambodia គឺជាកម្មវិធីដ៏ថ្មីសន្លាងមួយ ដែលត្រូវបានទិញសិទ្ធិដោយក្រុមហ៊ុនហង្សមាស ក្នុងការយកមកផលិត និងថាក់ផ្សាយបន្តនៅលើកញ្ចក់ទូរទស្សន៍ហង្សមាស HDTV។ លក្ខខណ្ឌនៃប្រកួតកម្មវិធីនេះ គឺមានលក្ខណៈខុសប្លែកពីកម្មវិធីដទៃ ដោយសារបេក្ខជនគ្រប់រូប រួមទាំងបេក្ខជនជាតារាចម្រៀងអាជីពផង ត្រូវប្រកួតច្រៀងដោយការពាក់របាំងមុខខុសៗគ្នា ទៅតាមការច្នៃប្រឌិតរបស់បេក្ខជននីមួយៗ ហើយការប្រកួត និងជម្រុះ គឺធ្វើឡើងទៅតាមពូល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះបេក្ខជនរូបណាមួយ ដែលត្រូវបានជម្រុះពីក្នុងពូលរបស់ខ្លួន ត្រូវបើកបង្ហាញរបាំងមុខរបស់ខ្លួនឲ្យទស្សនិកជនបានស្គាល់។ មកទល់នឹងពេលនេះ មានតារាចម្រៀងអាជីពចំនួន៥រូបហើយ ដែលត្រូវបានជម្រុះ និងត្រូវបើកបង្ហាញមុខពិតដល់ទស្សនិកជន។
១. រាជិនី Unicorn (វី ឌីណែត)
តារាចម្រៀងស្រីពូកែខាងប្រើសម្លេងខ្ពស់ប្រចាំផលិតកម្មរស្មីហង្សមាសរូបនេះ បានចូលរួមប្រកួតដោយពាក់របាំងមុខ រាជិនី Unicorn។ កញ្ញា វី ឌីណែត ត្រូវបានជម្រុះដោយទទួលសម្លេងសារតិច ពីការបោះឆ្នោតនៅវគ្គពាក់កណ្តាលផ្តាច់ព្រ័ត្រពូល B។
វត្តមានរបស់កញ្ញា វី ឌីណែត បានធ្វើឲ្យមានការភ្ញាក់ផ្អើលយ៉ាងខ្លាំងពីសំណាក់ទស្សនិកជន សូម្បីតែគណកម្មការទាំង៥ ក៏សម្តែងការកោតសរសើរយ៉ាងខ្លាំងចំពោះភាពក្លាហានរបស់នាងក្នុងការបញ្ចេញសមត្ថភាព និងទទួលបាននូវបទពិសោធន៍ថ្មីៗ។ កញ្ញា វី ឌីណែត មានចម្រៀងល្បីៗជាច្រើននៅផលិតកម្មរស្មីហង្សមាស ដូចជាបទ ស្រឡាញ់ស្ទើរលេប ខ្ញុំលែងត្រូវការស្នេហា កុំស្តាយពេលបាត់បង់ខ្ញុំ អូនសុំត្រឹមការចងចាំ ជាដើម។
២. តោព្រាននារី (ម៉ា ច័ន្ទបញ្ញា)
តារាចម្រៀងប្រុសរូបសង្ហា ល្បីខាងបទចម្រៀង Original នេះវិញ ត្រូវបានជម្រុះដោយទទួលសម្លេងសារគាំទ្រតិច នៅវគ្គផ្តាច់ព្រ័ត្រប្រចាំពូលB។ តារាប្រុសរូបនេះ បានបង្ហាញអារម្មណ៍រីករាយដែលបានចូលរួមប្រកួតក្នុងកម្មវិធីនេះ និងបានបង្ហោះសារបែបកំប្លែងនៅលើគណនី Instagram ក្រោយពេលទទួលបរាជ័យបែបនេះ។
៣. សេះប្រយុទ្ធ (ឃី សុឃុន)
ឃី សុឃុន គឺជាអតីតបេក្ខជនវគ្គផ្តាច់ព្រ័ត្រនៃកម្មវិធី The Voice Cambodia រដូវកាលទីមួយ។ លោកបានចាកចេញពីកម្មវិធីនៅវគ្គពាក់កណ្តាលផ្តាច់ព្រ័ត្រប្រចាំពូល C។ បច្ចុប្បន្ន លោកជាតារាចម្រៀងប្រចាំផលិតកម្មរស្មីហង្សមាស។
៤. ក្រមា (ងួត សិលា)
ងួត សិលា គឺជាអតីតបេក្ខភាពប្រកួតក្នុងកម្មវិធី X-Factor រដូវកាលទីមួយ។ លោកបានចាកចេញពីកម្មវិធីនៅវគ្គពាក់កណ្តាលផ្តាច់ព្រ័ត្រប្រចាំពូល C។
៥. ឥន្ទ្រីស្ទាវ (ឆុន បាលូ)
ឆុន បាលូ គឺជាអតីតបេក្ខជនប្រឡងក្នុងកម្មវិធី Cambodian Idol និង X-Factor Cambodia។ លោកបានចាកចេញនៅវគ្គផ្តាច់ព្រ័ត្រប្រចាំពូល A៕