សេអ៊ូល៖ កាលពីថ្ងៃព្រហស្បតិ៍ម្សិលមិញនេះ ស្ថានទូតចិនប្រចាំប្រទេសកូរ៉េខាងត្បូងបានចូលរួមបរិច្ចាគម៉ាសប្រមាណ ២៥,០០០ ដល់ទីក្រុង Daegu នៅភាគខាងត្បូងប្រទេសកូរ៉េខាងត្បូង ដើម្បីជួយទប់ស្កាត់ការរីករាលដាលនៃវីរុសកូរ៉ូណា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ឯកអគ្គរដ្ឋទូតចិនប្រចាំកូរ៉េខាងត្បូងលោក Xing Haiming បាននិយាយថា៖
ប្រទេសចិនរួមជាមួយប្រទេសកូរ៉េខាងត្បូង នឹងរួមសុខរួមទុក្ខជាមួយគ្នា ដើម្បីប្រយុទ្ធប្រឆាំងនឹងការរីករាលដាលនៃជំងឺ COVID-១៩ ។
លោក Xing Haiming បាននិយាយទៀតថា៖
ប្រជាជនចិនតែងតែចងចាំជានិច្ច នូវជំនួយដែលប្រទេសកូរ៉េខាងត្បូងបានផ្តល់ឱ្យនៅពេលដែលប្រជាជនចិនជួបវិបត្តិ។ ហើយនៅពេលនេះ ប្រជាជនកូរ៉េខាងត្បូងគឺកំពុងតែជួបការលំបាក។ ដូច្នេះហើយស្ថានទូតចិនមានឆន្ទៈចូលរួមជួយដល់ប្រជាជនកូរ៉េខាងត្បូង រួមទាំងប្រជាជនក្នុងទីក្រុង Daegu ទាំងអស់ ដើម្បីប្រយុទ្ធប្រឆាំងនឹងវីរុសកូរ៉ូណាដែលកំពុងរាតត្បាតនេះ។
គួររម្លឹកផងដែរថា បើគិតរហូតមកដល់ថ្ងៃនេះ អ្នកជំងឺកូរ៉ូណានៅប្រទេសកូរ៉េខាងត្បូងបានកើនឡើងដល់ ២,៣៣៧ នាក់ ចំណែកចំនួនអ្នកស្លាប់បានកើនឡើងដល់ ១៣ នាក់។ ។ ហើយក្នុងចំណោមនោះ មានអ្នកជំងឺសរុប ១.១៣២ នាក់ គឺជាប្រជាជនដែលកំពុងរស់នៅក្នុងទីក្រុង Daegu ដែលជាទីក្រុងមួយកំពុងទទួលរងគ្រោះខ្លាំង ដោយវីរុសកូរ៉ូណានេះ៕
Bong I.T