BTS ប្រកាសរំសាយ Concert Tour ទាំងអស់នៅ Seoul ចោលហើយ!

កូរ៉េខាងត្បូង ៖ ទោះបីជា Concert Tour លើកនេះ ជាអ្វីដែលហ្វេនៗជុំវិញពិភពលោក រួមទាំង BTS ផ្ទាល់ បានទន្ទឹងរង់ចាំ អស់រយៈពេលជាយូរ ប៉ុន្តែវាស្រាប់តែត្រូវបានរំសាយចោលទៅវិញ ដោយខានពុំបាន។

ផលិតកម្មបានលើកឡើងថា កម្មវិធីប្រគុំតន្រ្តីលើកនេះ មានមនុស្សច្រើនជាង ២០០,០០០នាក់ គ្រោងនឹងធ្វើដំណើរមកចូលរួម ថែមទាំងមានវត្តមានរបស់បុគ្គលិក រាប់រយនាក់ទៀត ប៉ុន្តែដោយសារតែពេលនេះ មេរោគកំពុងតែរាលដាលខ្លាំង ដូច្នេះហើយ ការរំសាយចោលគឺជាជម្រើសដ៏ល្អមួយ ដើម្បីសុវត្ថិភាពគ្រប់គ្នា។

ជាការពិតណាស់ ស្ថានការនៅក្នុងប្រទេសកូរ៉េខាងត្បូងពេលនេះ កំពុងតែស្ថិតក្នុងសភាពគួរឲ្យព្រួយបារម្ភបំផុត ព្រោះតែជំងឺកូរ៉ូណា ឬ COVID-19 កំពុងតែរាលត្បាត ពេញខេត្តក្រុងសំខាន់ៗ ថែមទាំងបង្កឲ្យមានអ្នកស្លាប់ ច្រើនជាង ១០នាក់ និងចំនួននាក់ឆ្លងច្រើនជាង ២,០០០នាក់ ត្រឹមរយៈពេលដ៏ខ្លី។

ដោយសារតែមូលហេតុនេះ ទើបបានជាក្រុមតារាកូរ៉េទាំងអស់ សម្រេចចិត្តលុបចោលកម្មវិធីប្រគុំតន្រ្តីរបស់ខ្លួន ដើម្បីចៀសវាងការប្រមូលផ្តុំគ្នា ដែលជាការបង្កើតឱកាសដល់ការចម្លងមេរោគ ពីមនុស្សម្នាក់ទៅមនុស្សម្នាក់។

ហើយផលិតកម្ម BigHit ក៏ទើបតែបានប្រកាសរំសាយចោល កម្មវិធីប្រគុំតន្រ្តីធំរបស់ BTS គឺ MAP OF THE SOUL TOUR” នៅឯទៅក្រុង Seoul ព្រោះតែបារម្ភពីសុខភាពគ្រប់គ្នា៕

ទស្សនារូបភាពខាងក្រោម ៖