តោះ! តោះ! Honda ប្តូរពោងសុវត្ថិភាព និងត្រួតពិនិត្យរថយន្តឥតគិតថ្លៃ

ភ្នំពេញ៖​ ឧស្សាហកម្មផលិតរថយន្តធំៗទាំងអស់នៅលើពិភពលោក បានធ្វើការតាមដាន និងត្រួតពិនិត្យយ៉ាងខ្លាំងអំពីប្រព័ន្ធសុវត្ថិភាពនេះ ជាពិសេសគ្រោះថ្នាក់ដែលបណ្តាលមកពី ពោងសុវតិ្ថភាព។ ការមិនដំណើរការរបស់ពោងសុវត្ថិភាព ឬមានបញ្ហាផ្ទុះដោយខ្លួនឯង អាចបណ្តាលឲ្យមានគ្រោះថ្នាក់ដល់ជីវិត។ ដូចច្នេះ ក្រុមហ៊ុន Honda បានធ្វើការផ្សព្វផ្សាយ ធ្វើការផ្លាស់ប្តូរពោងសុវត្ថិភាពជូនអតិថិជនរបស់ខ្លួនដោយមិនគិតថ្លៃ។

នៅប្រទេសកម្ពុជា កំពុងមានការប្រើប្រាស់រថយន្ត Honda ចាស់ៗច្រើនដែលចរាចរលើដងផ្លូវ តែអ្នកប្រើប្រាស់ទាំងអស់ប្រាកដជាមិនដែលដឹងពីបញ្ហា ពោងសុវត្ថិភាពនៅក្នុងរថយន្តទាំងនោះទេ ថាវា​មិនដំណើរការប្រក្រតី ឬ ប្រសិទ្ធភាពវានៅដល់កម្រិតណានោះទេ។

ក្រុមហ៊ុន ភ្នំពេញ ហុងដា គឺជាក្រុមហ៊ុនធំតែមួយគត់ ដែលនាំចូលនិងចែកចាយរថយន្តម៉ាក HONDA ទាំងផលិតផលរថយន្តថ្មី និងសេវាកម្មជួសជុលផ្ទាល់ពីប្រទេសជប៉ុន។ ក្រុមហ៊ុន កំពុងធ្វើការអំពាវនាវឲ្យអតិថិជន ដែលប្រើប្រាស់រថយន្ត HONDA ចាស់ៗ នៅក្នុងស្រុក ឲ្យចូលមកមជ្ឈមណ្ឌលជួសជុលថែទាំរថយន្ត Honda ដោយផ្តល់ជូនដូចជា៖

- ធ្វើការផ្លាស់ប្តូរពោងសុវត្ថិភាពដោយមិនគិតថ្លៃ

- ការត្រួតពិនិត្យថែទាំរថយន្តឥតគិតថ្លៃ

ហើយរថយន្ត Honda ដែលត្រូវធ្វើការផ្លាស់ប្តូរមានដូចជា Honda CR-V  Honda CITY  Honda CIVIC  Honda PILOT និង Honda ACCORD ដែលមានឆ្នាំផលិតចាប់ពី ឆ្នាំ ២០០២ ដល់ឆ្នាំ ២០១៣។

អាស្រ័យហេតុនេះ សូមបងប្អូនដែលប្រើប្រាស់នូវ ប្រភេទរថយន្តដែលបានជម្រាបជូនខាងលើ សូមអញ្ជើញមកយានដ្ឋានជួសជុលរបស់ ក្រុមហ៊ុន ភ្នំពេញ ហុងដា ដែលមានទីតាំងទល់មុខ អាកាសយានដ្ឋានអន្តរជាតិភ្នំពេញ។

សម្រាប់ព័ត៌មានបន្ថែម សូមធ្វើការទំនាក់ទំនងតាមមានលេខទូរស័ព្ទ៖ 017 888 564 / 017 888 526 ឬ ក៏អាចចូលទៅកាន់គេហទំព័រនេះ ដើម្បីត្រួតពិនិត្យអំពីលេខកូដរថយន្តថាត្រូវផ្លាស់ប្តូរពោងសុវត្ថិភាព ឬអត់ ៖ www.myhondaairbag.com   កម្មវិធីនេះ ចាប់ផ្តើមពីថ្ងៃផ្សាយជូនដំណឹងនេះរហូតដល់អស់ពីស្តុក ៕