ពូកែសួរពេក! ពេលនេះម្តាយ Margie បកស្រាយពីមូលហេតុពិតដែលកូនស្រីទាំងពីរមុខខុសគ្នា

ថៃ៖ អ្នកស្រី Orasri Balenciaga ដែលត្រូវជាម្តាយរបស់តារាស្រីថៃពីររូបគឺ Margie Rasri និង Marina Sodanun នៅទីបំផុតបានបង្ហោះសារនៅលើបណ្តាញ Instagram ដើម្បីឆ្លើយតបនូវសំណួរដែលអ្នកគាំទ្រតែងសួរដដែលៗថា ហេតុអ្វីបានជាកូនស្រីទាំងពីរនាក់មុខមិនដូចគ្នា។  

ក្នុងនោះអ្នកស្រីបានឆ្លើយតបបែបកំប្លែងយ៉ាងដូច្នេះថា "ចង់ឃើញកូនស្រីទាំងពីរសម្តែងរឿងភាគរួមគ្នាណាស់ មិនបាច់សម្តែងជាតួកូនភ្លោះនោះទេ ដោយសារគេតែងចូលចិត្តសួរថា ហេតុអ្វីបានកូនទាំងពីរមុខមិនដូចគ្នា? តើឪពុកខុសគ្នាមែនទេ? ពេលនេះខ្ញុំសូមបកស្រាយហើយថា កូនទាំងពីរគឺមានឪពុកតែមួយ ម្តាយតែមួយ ប៉ុន្តែមុខខុសគ្នា ដោយសារខ្ញុំផលិតកូននៅពេលខុសគ្នាប៉ុណ្ណោះ! ហាហាហាហា!"

បន្ទាប់ពីអ្នកស្រីបកស្រាយបែបនេះហើយ សង្ឃឹមថាអ្នកគាំទ្រនឹងមិនមានចម្ងល់ទៀតនោះឡើយ៕

ប្រភព៖ TeeNee