អង់គ្លេស៖ យោងតាមរបាយការណ៍បានឲ្យដឹងថាក្លឹបគីឡូធ្ងន់២ គឺ Milan និង Roma ពេញចិត្តពេញថ្លើមជាខ្លាំងក្នុងការប្រជែងយកកីឡាករតំបន់ប្រយុទ្ធរបស់ Chelsea កីឡាករ Willian ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សWillian រកបាន៥គ្រាប់ បញ្ជូនបាល់ឲ្យមិត្តរួមក្រុម (Assists) បាន៤គ្រាប់ក្នុងការបង្ហាញខ្លួនបាន៣៣ប្រកួត រាប់បញ្ជូលទាំងលេងនៅ Premier League និងនៅ Champion league ហើយកីឡាករប្រេស៊ីលរូបនេះអាចនឹងចាកចេញពីជំរុំតោខៀវនៅរដូវក្តៅខាងមុខដោយមិនមានតម្លៃខ្លួន ក៏ព្រោះតែនឹងផុតកុងត្រាជាមួយក្លឹបក្នុងពេលប៉ុន្មានខែខាងមុខនេះហើយ ។
បើយោងតាមប្រភពពី MilanNews បានឲ្យដឹងថាកីឡាករវ័យ៣១ឆ្នាំ Willian ហាក់មិនស្ថិតក្នុងទីចាប់អារម្មណ៍របស់គ្រូបង្វឹក Chelsea លោក Frank Lampard ឡើយ ខណៈដែលគ្រូបង្វឹករូបនេះផ្តោតសំខាន់ និងផ្តល់ឱកាសច្រើនឲ្យកីឡាករក្មេងៗ។ ដែលនេះជាឱកាសល្អមួយសម្រាប់ Roma និង Milan ក្នុងការប្រជែងគ្នាចូលចែចូវតារាឆ្នើមរូបនេះដោយគ្មានតម្លៃខ្លួន ៕
ប្រភព៖ allfootball