លក្ខណៈពិសេសនៃការតុបតែងខាងក្នុង និងរចនាបទ​ស្ថាបត្យកម្មនៃផ្សារទំនើបទាំង៦របស់ ជីប ម៉ុង រីថែល!

ភ្នំពេញ៖ មណ្ឌលផ្សារទំនើបនីមួយៗរបស់ ជីប ម៉ុង រីថែល មានលក្ខណៈពិសេសរៀងៗខ្លួន ទាំងរចនាបទ​ស្ថាបត្យកម្មខាងក្រៅ និងការតុប​តែង​លម្អ​ខាងក្នុង ខុសពីមណ្ឌលផ្សារទំនើបផ្សេងៗទៀតនៅក្នុងប្រទេសកម្ពុជា។

១. មណ្ឌលផ្សារទំនើប ជីប ម៉ុង ណូរ៉ូ  ម៉ល (Chip Mong Noro Mall)

រចនាបទរបស់មណ្ឌលផ្សារទំនើប ជីប ម៉ុង ណូរ៉ូ  ម៉ល គឺជារចនាបទ ដែលធ្លាប់ទទួលបានរង្វាន់ជាច្រើនរបស់ក្រុមហ៊ុនស្ថាបត្យកម្ម Re-edge architecture។ ផ្នត់គំនិតរចនាបទនេះ បានប្រើប្រាស់នូវការរៀបចំដោយប្រើរុក្ខជាតិហ៊ុម​ព័ទ្ធជុំវិញ និង​ជារចនាបទអគារមួយ ដែលអាចឲ្យខ្យល់ និងពន្លឺចេញចូលបានល្អ។ ចំណែកឯការតុបតែងខាងក្នុងផ្សារវិញ គឺ​ប្រើប្រាស់រូបភាពលម្អ​ដោយ​រូបផ្កា និងសត្វមេអំបៅ ដែលធ្វើឲ្យអ្នកដែលបានមកដល់ទីនេះមានអារម្មណ៍ថាស្រស់ស្រាយ និងកាន់តែខិតខ្លួនទៅជិតនឹងធម្មជាតិ។

២. មណ្ឌលពាណិជ្ជកម្ម ជីប ម៉ុង បាក់ទូក សេនធើ

ចំពោះរចនាបទ​របស់មណ្ឌលពាណិជ្ជកម្ម ជីប ម៉ុង បាក់ទូក សេនធើ នេះក៏ត្រូវបានរចនាឡើងដោយក្រុមហ៊ុនស្ថាបត្យកម្ម Re-Edge Architecture ដូចគ្នាដែរ។ រចនាបទនេះផ្ដោតសំខាន់ទៅលើភាពល្អប្រណិត និងទំនើបដែលលម្អ​ដោយភ្លើងភ្លឺៗនៅរាល់ជ្រុងកែងខាងក្រៅនៃអគារ។ ចំណែកឯការតុបតែងខាងក្នុងវិញ ក៏​មិនមានអ្វីខុសគ្នាខ្លាំងទៅនឹងរចនាបទខាងក្រៅដែរ ពោលគឺការប្រើប្រាស់ភ្លើងលម្អ​ ដែលនាំអតិថិជនឲ្យចូលទៅក្នុង​​លម្ហ​មួយដែលពោរពេញទៅដោយភាពជឿនលឿន និងអនាគតភាព។

៣. មណ្ឌលផ្សារទំនើប ជីប ម៉ុង សែនសុខ

មណ្ឌលផ្សារទំនើប ជីប ម៉ុង សែនសុខ មានទីតាំងស្ថិតនៅក្នុងគម្រោង ផាក លែន សែនសុខរបស់ ជីប ម៉ុង លែន នៅតាមបណ្ដោយផ្លូវ​ឧកញ៉ា ម៉ុង រិទ្ធី។ រចនាបថ និងការតុបតែងលម្អ​ខាងក្នុងនៃផ្សារទំនើបនេះ គឺផ្ដោតទៅលើការរស់នៅបែបសម័យថ្មី និងពោរពេញដោយពណ៌​ និង​ពន្លឺស្រស់ស្រាយ ធ្វើ​ឲ្យអតិថិជន​មាន​អារម្មណ៍​​​ស្រស់​​ស្រាយ។ ការរចនា​ដ៏​ទំនើប និងពណ៌ចម្រុះ​អាចនាំមកនូវភាពសប្បាយរីករាយ ស្រស់បំព្រងដល់អ្នកដែលបានមកដល់ទីនេះ។

៤. មណ្ឌលផ្សារទំនើប ជីប ម៉ុង ៥៩៨

ចំណែកឯរចនាបទ​នៃមណ្ឌលផ្សារទំនើប ជីប ម៉ុង ៥៩៨ នេះមានលក្ខណៈស្រដៀងគ្នាទៅនឹងរចនាបទរបស់ផ្សារទំនើប ជីប ម៉ុង ណូរ៉ូ ម៉ល។ ប៉ុន្តែអ្វីដែលធ្វើឲ្យផ្សារមួយនេះមានភាពខុសប្លែងពីផ្សារទំនើបផ្សេងៗរបស់ ជីប ម៉ុង រីថែល គឺការរចនាដែលបន្សល់ទុកនូវកន្លែងទំនេរជាច្រើននៅក្នុងបរិវេណផ្សារ ដែលអាចឲ្យអតិថិជនចែករំលែកពេលវេលាជាមួយគ្រួសារបានច្រើន។ ដោយសារ​តែ​ផ្សារ​ទំនើប​នេះមានទីតាំងស្ថិតនៅក្នុងគម្រោង  ផាក លែន ៥៩៨ របស់ ជីប ម៉ុង លែន ដូច្នេះ​ផ្សារមួយនេះភាគច្រើនផ្ដោតសំខាន់សម្រាប់បម្រើ​ដល់តម្រូវការរបស់សហគមន៍នៃតំបន់នោះ។

៥. មណ្ឌលផ្សារ​ទំនើប​ខ្នាត​យក្ស ជីប ម៉ុង ២៧១

ផ្សារទំនើបនេះមានទីតាំងស្ថិតនៅតាមបណ្ដោយផ្លូវ២៧១ ជាប់ទៅនឹងគម្រោង លែន​​ម៉ាក ២៧១ របស់ ជីប ម៉ុង​​ លែន។ រចនាបទ​នៃមណ្ឌលផ្សារទំនើបខ្នាតយក្សនេះផ្ដោតសំខាន់ទៅការនាំអតិថិជនឲ្យកាន់តែខិតជិតធម្មជាតិ ដោយយើងបានចាប់យករចនាបទស្ថាបត្យកម្ម និងការតុបតែងលម្អ​ ដែលអាចមានពន្លឺចេញចូលបានល្អ ហើយបរិស្ថានក្នុងផ្សារពោរ​ពេញទៅដោយរុក្ខជាតិពណ៌បៃតង ដែលធ្វើឲ្យយើងមានអារម្មណ៍ស្រស់ស្រាយ និងរំសាយទុក្ខកង្វល់ទាំងឡាយ។ ហើយអ្វីដែលពិសេសទៅទៀតនោះគឺសួនច្បារនៅលើដំបូលផ្សារទំនើប ដែលអាចឲ្យអតិថិជនអង្គុយលម្ហែ​កាយ និងធ្វើសកម្មភាពផ្សេងៗបាន។

៦. មណ្ឌលផ្សារទំនើប អគារ ជីប ម៉ុង ថោវវើ Fairfield by Marriot

អគារពាណិជ្ជកម្មដ៏ខ្ពស់​ស្កឹមស្កៃ​មួយនេះ មានទីតាំងស្ថិតនៅតាមបណ្ដោយផ្លូវសហព័ន្ធរុស្ស៊ី។ គួបផ្សំជាមួយសណ្ឋាគារលំដាប់ផ្កាយ៤ Fairfield by Marriott ​ភ្នំពេញ​ ក្នុងនោះក៏មានមណ្ឌលផ្សារទំនើបមួយទៀតរបស់ ជីប ម៉ុង រីថែល ផង​ដែរ។ រចនាបទនៃផ្សារទំនើបនេះ ​គឺ​មានភាពប្លែកពីរចនាបទទាំង៥ខាងលើ។ ដោយហេតុតែមណ្ឌលផ្សារទំនើបមួយនេះ គឺមានទីតាំងនៅក្នុងអគារ ជីប ម៉ុង ថោវវើ ដូច្នេះ​រចនាបទស្ថាបត្យកម្មរបស់ផ្សារទំនើបនេះ គឺស្របទៅតាមរថនាបទ​​នៃអគារ។ ប៉ុន្ដែអ្វីដែលពិសេសនោះគឺការតុបតែងលម្អ​ខាងក្នុង ត្រូវបានយកលំនាំតាមរចនាបទនៃផ្ទះខ្មែរ បូកផ្សំទៅនឹងភាពទំនើប និងច្នៃប្រឌិតដោយប្រើប្រាស់ឈើហ៊ុម​ព័ទ្ធដោយពន្លឺខ្វាត់ខ្វែង។ នេះជារចនាបទដែលរួមផ្សំ​ទាំងភាពទាន់សម័យ និងប្រពៃណី។

បច្ចុប្បននេះមណ្ឌលផ្សារទំនើប ជីប ម៉ុង បានបើកដំណើរការបម្រើ​ជូនអតិថិជនបានចំនួន២ហើយ មានដូចជា មណ្ឌលផ្សារទំនើប ជីប ម៉ុង ណូរ៉ូ ម៉ល និងមណ្ឌលពាណិជ្ជកម្ម ជីប ម៉ុង បាក់ទូក សេនធើ។ ចំណែក​ឯកមណ្ឌលផ្សារទំនើបចំនួន៤ទៀត កំពុងស្ថិតនៅក្នុងដំណាក់កាលសាងសង់រួមមាន មណ្ឌលផ្សារទំនើប ជីប ម៉ុង សែនសុខ ដែលជាគម្រោងបន្ទាប់ ដែលត្រៀមនឹងបើកដំណើរការ, មណ្ឌលផ្សារទំនើប ជីប ម៉ុង ៥៩៨, មណ្ខលផ្សារទំនើបខ្នាតយក្ស ជីប ម៉ុង ២១៧ និងមណ្ឌលផ្សារទំនើប ជីប ម៉ុង មួយទៀតដែលស្ថិតនៅក្នុងអគារ ជីប ម៉ុង ថោវវើ ដែលទើបតែចុះបឋមសិលាសាងសង់កាលពីឆ្នាំ២០១៩ កន្លងទៅនេះ៕