ថៃ៖ ដូចយើងបានដឹងរួចមកហើយថា វីរុស COVID-19 កំពុងវាយលុកយ៉ាងខ្លាំងនៅពាសពេញពិភពលោក ដែលទាមទារឲ្យបណ្តាប្រទេសនានាខិតខំរឹតបន្តឹងសុវត្ថិភាព ជាពិសេសពង្រឹងការត្រួតពិនិត្យអ្នកដំណើរមកពីបរទេស និងណែនាំឲ្យពួកគេសំងំនៅឆ្ងាយពីអ្នកដទៃក្នុងអំឡុងពេល១៤ថ្ងៃ ដើម្បីទប់ស្កាត់ការរីករាលដាលខ្លាំងនៃជំងឺ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ តារាចម្រៀងស្រីជនជាតិថៃ Tata Young បានសម្រេចចិត្តឃុំខ្លួនឯងក្នុងខុនដូ រយៈពេល១៤ថ្ងៃ ក្រោយបានត្រឡប់មកពីប្រទេសជប៉ុនវិញ ដើម្បីសង្កេតមើលអាការៈរបស់ខ្លួនថាមានអ្វីមិនប្រក្រតីឬអត់ ក៏ដូចជាទៅធ្វើតេស្តពិនិត្យរកមើលវីរុស។ ការធ្វើបែបនេះ គឺក្នុងបំណងធានាសុវត្ថិភាពជូនដល់ប្រជាពលរដ្ឋក្នុងប្រទេស និងជាការរួមសហការជាមួយអាជ្ញាធរដើម្បីទប់ស្កាត់ការរីករាលដាលខ្លាំងនៃជំងឺ COVID-19។
អ្នកនាងក៏បានធ្វើការសុំទោសចំពោះម្ចាស់កម្មវិធីនានា ដែលត្រូវខកខាកដោយសារការសម្រេចចិត្តមិនចេញក្រៅខុនដូរបស់នាង។ ជុំវិញការសម្រេចចិត្តមួយនេះ អ្នកគាំទ្រ និងមិត្តរួមសិល្បៈបានសរសើរនូវទឹកចិត្ត និងការចេះយកចិត្តទុកដាក់ទៅលើសុវត្ថិភាពអ្នកជុំវិញខ្លួនបែបនេះ៕
ប្រភព៖ TeeNee