ខ្សែបម្រើថ្លៃកប់ពពករបស់ក្លឹបបិសាចក្រហម កីឡាករ Paul Pogba បានថ្លែងដោយមិនញញើតថា Liverpool សក្តិសមណាស់នៅអ្វីដែលពួកគេទទួលបាននេះ ខណៈ Liverpool កំពុងឈរកំពូលតារាងព្រមទាំងនាំមុខក្រុមដែលឈលេខ២ដល់ទៅ២២ពិន្ទុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមរបស់លោក Klopp ត្រូវការឈ្នះត្រឹមតែ៤ប្រកួតទៀតប៉ុណ្ណោះដើម្បីបានលើកពានដំបូងក្រោយពីក្រុមមួយនេះខកខានលើកពាន Premier League អស់៣០ឆ្នាំហើយនោះ ហើយ Pogba បានអះអាងថា Liverpool សមនឹងលើកពានណាស់ ដោយបានថ្លែងប្រាប់កាសែត ESPN ថា ៖ " ក្នុងនាមជាកីឡាកររបស់ Man Utd ក៏ដូចជាក្រុមកំពុងប្រជែងគ្នាផងនោះ យើងមិនចង់ឲ្យ Liverpool លើកពាននេះទេ ។ "
Pogbar បន្ត៖ " យើងមិនចង់ឲ្យក្រុមណាដណ្តើមពានពីយើងទេ ប៉ុន្តែក្នុងនាមជាអ្នកស្នេហាបាល់ទាត់ ព្រមទាំងការគោរពដ៏ជ្រាលជ្រៅចំពោះក្រុមគូប្រកួត ខ្ញុំសូមនិយាយថា ពួកគេសក្តិសមក្នុងការឈរនៅកន្លែងដែលពួកគេឈរសព្វថ្ងៃនេះ(កំពូលតារាង)។ ពួកគេឡើងឈរកំពូលតារាងដាច់គេ ពួកគេមិនទាន់ចាញ់មួយប្រកួតណាទេក្នុងលីគនៅរដូវកាលនេះ ដៃម្ខាងរបស់ពួកគេបានឈោងចាប់ពាន Premier League រួចទៅហើយ " ៕
ប្រភព៖ skysports