អស្ចារ្យណាស់! កំពូលព្រឹត្តិការណ៍Rockដ៏ធំជាងគេរបស់ប៊ូសស្រ្តង នឹងធ្វើនៅខេត្តក្រចេះមុនគេ (មានវីដេអូ)​

ភ្នំពេញ៖ មហាព្រឹត្តិការណ៍ BOOSTRONG RED MAN ROCK 2020 ជាកម្មវិធីប្រគំតន្រ្តី Rock ដ៏អស្ចារ្យជាងគេ ធំជាងគេ ខ្លាំងជាងគេ និងមុនគេបង្អស់សម្រាប់ឆ្នាំ ២០២០ នេះ នឹងត្រូវបានរៀបចំឡើងដោយក្រុមហ៊ុន ប៊ូសស្រ្តង នៅបរិវេណមន្ទីរវប្បធម៌ខេត្តក្រចេះ នាថ្ងៃទី២៩ ខែកុម្ភៈ និងថ្ងៃទី០១ ខែមីនា ឆ្នាំ២០២០ ខាងមុខនេះ។

ក្នុងឆ្នាំ២០២០នេះ កំពូលព្រឹត្តការណ៍បែប Rock នឹងត្រូវបានចាប់ផ្តើមឡើងនៅខេត្តក្រចេះ ដែលមានវត្តមានសុទ្ធតែជាកំពូលតារាចម្រៀងដែលកំពុងពេញនិយម និងកំពូលតារាចម្រៀង Rock ប្រចាំប្រទេសផងដែរ។ ប៊ូសស្រ្តង បានជ្រើស​ជ្រើសខេត្តក្រចេះ ដែលជាខេត្តដំបូងគេ រៀបចំមហាព្រឹត្តិការណ៍ BOOSTRONG RED MAN ROCK 2020 នេះ ដែលមានកំពូលតារាចម្រៀងដ៏ល្បីៗជាច្រើនដួងដូចជា លោក ហ្សូណូ កញ្ញា ទេព បូព្រឹក្ស កញ្ញា យូរី លោក នី រតនា លោក ឃី សុឃុន កញ្ញា ឈីន រតនៈ លោក អ៊ីណូ កញ្ញា វិរៈ និច្ច កញ្ញា ប៉េប៊ី នឹងចូលរួមធ្វើឲ្យមហាព្រឹត្តិការណ៍ទាំងមូលកាន់តែល្បីកក្រើក។  

តាមប្រភពព័ត៌មានច្បាស់ការបានឲ្យដឹងថា កំពូលព្រឹត្តការណ៍បែប Rock នេះ មិនមែនមានត្រឹមតែខេត្តក្រចេះមួយទេ គឺ ប៊ូសស្រ្តង នឹងរៀបចំឡើងនៅតាមបណ្តាខេត្តនានាទូទាំងប្រទេស សូមបងប្អូនទាំងអស់ទន្ទឹងរង់ចាំទទួលយកទស្សនីយភាពដ៏អស្ចារ្យនេះ។

នេះជាមហាព្រឹត្តិការណ៍ Rock ដ៏ធំមហិមា ដែលមានតែមួយគត់នៅទឹកដីខេត្តក្រចេះ ដែលគ្រប់គ្នាទន្ទឹងរង់ចាំ។ ចូលរួមស្រែកហ៊ោកញ្រ្ជៀវ និងលោតតាមចង្វាក់ Rock ព្រមៗគ្នា ថែមទាំងមានឱកាសឈ្នះរង្វាន់ជាច្រើនសន្ធឹកសន្ធាប់ពី ប៊ូសស្រ្តង ថែមទៀតផង៕