ចិន៖ ថ្មីៗនេះ ក្រុមហ៊ុនប្រព័ន្ធផ្សព្វផ្សាយមួយ ស្ថិតក្នុងខេត្ត Shanxi បានដំឡើងនូវកម្មវិធីទូរសព្ទដើម្បីតាមដានរាប់ជំហានដើររបស់បុគ្គលិកដែលធ្វើការនៅផ្ទះ កំឡុងពេលវីរុស Covid-19 វាយលុក។ ហើយប្រសិនបើ បុគ្គលិកណាដែលដើរលើសពី១,០០០ជំហានក្នុងមួយថ្ងៃ កម្មវីធីទូរសព្ទនឹងបង្ហាញឲ្យក្រុមហ៊ុនដឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង បុរសម្នាក់ដែលជាបុគ្គលិក (មិនបញ្ចេញអត្តសញ្ញាណ) បានដើរលើសកំណត់ក្នុងមួយថ្ងៃ ត្រូវទទួលពិន័យដោយអាវ៉ង់ចំនួន២០ដងផងដែរ។ រូបគាត់ផ្ទាល់បាននិយាយប្រាប់វេបសាយព័ត៌មានចិន Pear ថា៖
ខ្ញុំមិនអាចអធិប្បាយបានទេថា ការពិន័យនេះវាសមហេតុផល ឬមិនសមហេតុផលឡើយ។ យ៉ាងណាក្ដី វាក៏មិនពាក់ព័ន្ធទៅនឹងការកាត់ប្រាក់ខែដែរ ហើយម៉្យាងវិញទៀត វាក៏ល្អដែលខ្ញុំអាចអាវ៉ង់ ទុកជាការហាត់ប្រាណ។ ខ្ញុំដើរច្រើនជំហាន គឺព្រោះតែខ្ញុំត្រូវនាំសត្វចិញ្ចឹមចេញទៅទីធ្លាខាងក្រៅផ្ទះ។
យ៉ាងណាមិញ ក្រុមហ៊ុនខាងលើក៏បានបកស្រាយដែរថា គោលបំណងនៃការតាមដាន និងពិន័យ គ្រាន់តែចង់ធានាពីសុវត្ថិភាពរបស់បុគ្គលិកពីវីរុស Covid-19 ប៉ុណ្ណោះ។
សូមទស្សនារូបភាពនិងវីដេអូខាងក្រោម៖
Bong I.T