មួយជាតិរៀបការម្ដង កូនក្រមុំធ្វើឲ្យប្លែក ជិះម៉ូតូធំដង្ហែរពេញផ្លូវ ផ្អើលអស់គេឯង (មានវីដេអូ)

សិង្ហបុរី៖ ជាទូទៅ នារីៗគ្រប់រូប តែងតែប្រាថ្នានូវ ពិធីអាពាហ៍ពិពាហ៍មួយដែលពិសេស និងមានភាពស្រស់ស្អាតដូចនឹងរឿងព្រេងនិទាន តែសម្រាប់នារីជនជាតិឥណ្ឌាម្នាក់នេះវិញ បែរជាខុសប្លែកពីនារីដទៃ ដោយជិះម៉ូតូធំដង្ហែរពេញផ្លូវ ក្នុងថ្ងៃមង្គលការបស់ខ្លួន ដែលប្រារព្ធធ្វើឡើងនៅក្នុងប្រទេសសិង្ហបុរី។

យោងតាមវីដេអូដែលបង្ហោះនៅលើបណ្ដាញសង្គមហ្វេសប៊ុក បានបង្ហាញឲ្យឃើញថា នារីឥណ្ឌារូបនេះ បានជិះម៉ូតូធំប្រភេទ Kawasaki ក្នុងឈុតសារីពណ៌ផ្កាឈូក អមដោយអ្នកកំដរចំនួន៥នាក់ និងភ្ញៀវកិត្តិយសប្រុសៗជាច្រើននាក់ទៀត ដែលសុទ្ធសឹងតែជិះម៉ូតូធំដូចគ្នា។ ទន្ទឹមនឹងនេះ ក៏មានសំឡេងនៃម៉ាស៊ីនម៉ូតូបានលាន់កងរំពងឡើង និងហុយផ្សែងពេញផ្លូវផងដែរ។

យ៉ាងណាមិញ ជុំវិញក្បួនដង្ហែរខាងលើនេះ គឺខុសស្រឡះនឹងទំនៀមទម្លាប់របស់ប្រទេសឥណ្ឌា ដែលតាំងពីដើមឡើយ កូនកំលោះជាអ្នកដឹកនាំក្បួនដង្ហែរ ដោយមានការរាំ និងវាយស្គរប៉ុណ្ណោះ ចូលទៅក្នុងកន្លែងរៀបចំពិធីមង្គលការ៕

សូមទស្សនារូបភាពនិងវីដេអូខាងក្រោម៖