Liverpool តាមទាន់កំណត់ត្រា Man City ក្រោយប្រទាញប្រទង់ឈ្នះ West Ham 3-2 (មានវីដេអូ)

អង់គ្លេស ៖ ក្លឹបហង្សក្រហម Liverpool បានតាមស្មើកំណត់ត្រា ឈ្នះ១៨ប្រកួតជាប់គ្នារបស់មេឃខៀវ Man City នៅ Premier League ​ក្រោយយកឈ្នះ West Ham ក្នុងលទ្ធផល ៣ទល់នឹង២ ។

ការប្រកួតធ្វើឡើងនៅកីឡាដ្ឋាន Anfield ទឹកដីរបស់ Liverpool ។ ចាប់ផ្តើមបានត្រឹម៩នាទី Liverpool មានឳកាស់រកគ្រាប់បាល់១គ្រាប់នាំមុខមុនដោយកីឡាករ Wijnaldum មុនពេល West Ham តាមស្មើវិញនៅនាទីទី ១២ ដោយកីឡាករ Diop លទ្ធផល១ស្មើបានរក្សារហូតដល់ចប់តង់ទី១ ។

ចូលដល់តង់ទី២ ការប្រកួតកាន់តែល្អមើលដោយមានការប្រយុទ្ធគ្នាទៅវិញទៅមកដើម្បីទាមទាគ្រាប់បាល់ រហូតដល់នាទី ទី៥៤ Liverpool បានរបូតមួយគ្រាប់វិញ ដោយ West Ham នាំមុខ១គ្រាប់វិញដោយកីលាករ Fornal មុនពេល Salah តាមស្មើវិញនៅនាទីទី ៦៨ ។

មិនទាន់អស់ចិត្ត ជិតចប់ការប្រកួតទៅហើយ Liverpool ក៏រកបានមួយគ្រាប់ទៀតជាគ្រាប់បាល់ជ័យជំនះ ដោយកីឡាករ Mane នៅនាទីទី៨១ ធ្វើឲ្យក្តីសង្ឃឹមលើកពាន Premier League កាន់តែកៀក ខណៈដែលក្លឹបមួយនេះខានលើកពាននេះអស់រយៈពេលជាង៣០ឆ្នាំមកហើយ ។

គួររំលឹកផងដែរថា Liverpool បានតាមស្មើកំណត់ត្រាឈ្នះ១៨ប្រកួតជាប់គ្នារបស់ Man City កាលពីរដូវកាលមុន ដែលជារដូវកាលដែល Man City លើកពាន Premier League ខណៈដែល Liverpool នឹងដើរតាមគន្លងនេះផងដែរ បន្ទាប់ពីបានឈ្នះពានធំៗក្នុងពានរង្វាន់ទ្វីអ៊ឺរ៉ុប៕

ទស្សនាវីដេអូ Highlight ខាងក្រោម ៖

ប្រភព៖ allfootball