Hyomin សមាជិកក្រុម T-ara បានផ្តល់ម៉ាស់ជាង ៣០០០ ដល់តំបន់ដែលរងគ្រោះក្នុងប្រទេសកូរ៉េ

កូរ៉េខាងត្បូង៖ Hyomin បានបរិច្ចាគម៉ាសចំនួន ៣,០០០ ដល់តំបន់ដាហ្គូដល់កំពុងផ្ទុះនូវជំងឺថ្មីវីរុស COVID-19។

យោងតាមអ្នកតំណាងមកពីទីភ្នាក់ងារសិល្បករ Sublime បានឱ្យដឹងថា ការបរិច្ចាគនេះត្រូវបានធ្វើឡើងដើម្បីបង្ហាញពីការយកចិត្តទុកដាក់ពីព្រួយបារម្ភរបស់ Hyomin ចំពោះការរីករាលដាលនៃការឆ្លងវីរុសនៅក្នុងទីក្រុងជាពិសេសទៅលើប្រជាជាតិកូរ៉េទាំងមូល។

ទាក់ទងនឹងការបរិច្ចាគនេះ តារាវ័យក្មេងដ៏ស្អាតម្នាក់នេះបានបញ្ជាក់ថា“ ទោះបីជាវាមិនច្រើនយ៉ាងណាក្តី ប៉ុន្តែសន្តានចិត្តរបស់នាងខ្ញុំនឹងជូនអ្នកដែលខ្វះខាត” ។ គួរបញ្ជាក់ថា ម៉ាស់ទាំងនេះនឹងត្រូវបរិច្ចាគដល់ប្រជាជនដែលត្រូវការជំនួយតាមរយៈសាលាក្រុង Daegu ។ ថ្មីនេះ កូរ៉េបានក្លាយប្រទេសទី២ បន្ទាប់ពីចិនដែលមានអ្នកឆ្លងវីរុសកូរ៉ូណាច្រើនជាងគេ។

ទន្ទឹមនឹងនេះដែរ Hyomin ក៏បានបរិច្ចាគដែរនូវទឹក, មី, អង្ករ, កន្សែងសើម និង របស់ចាំបាច់ផ្សេងៗជាច្រើនទៀតដល់តំបន់ Gangwon ដែលត្រូវការជំនួយ ក្រោយពីត្រូវរងគ្រោះដោយសារអគ្គិភ័យកាលពីខែមេសាឆ្នាំ ២០១៩ ៕