ព្រះមហាក្សត្រម៉ាឡេស៊ី ស្នើសុំឲ្យលោក មហាធៀ ធ្វើជានាយករដ្ឋមន្ត្រីបណ្តោះអាសន្នសិន

កូឡាឡាំពួ៖ ការលាលែងពីតំណែងរបស់លោកបណ្ឌិត មហាធៀ មហាម៉ាត់ ក្នុងនាមជានាយករដ្ឋមន្ត្រីម៉ាឡេស៊ីត្រូវបានទទួលយកដោយព្រះមហាក្សត្រ Abdullah Ri’ayatuddin Al-Mustafa Billah Shah នៅល្ងាចថ្ងៃចន្ទ ទី២៤ ខែកុម្ភៈ ។

ទោះយ៉ាងណាព្រះមហាក្សត្រក៏បានតែងតាំងលោកបណ្ឌិត មហាធៀ ជានាយករដ្ឋមន្ត្រីបណ្តោះអាសន្នរហូតដល់មានការជ្រើសរើសនាយករដ្ឋមន្រ្តីថ្មីស្របតាមមាត្រា ៤៣ (២) (ក) នៃរដ្ឋធម្មនុញ្ញសហព័ន្ធ។

លោក Mohd Zuki បាននិយាយនៅក្នុងសេចក្តីថ្លែងការណ៍មួយថា "ក្នុងរយៈពេលនេះលោក មហាធៀ មហាម៉ាត់ នឹងថែរក្សារដ្ឋបាលរបស់ប្រទេសរហូតដល់នាយករដ្ឋមន្រ្តីថ្មីត្រូវបានជ្រើសរើស ហើយគណៈរដ្ឋមន្រ្តីត្រូវបានបង្កើតឡើង" ៕

ប្រភព៖ Channelnewsasia