មកដឹងពីមូលហេតុដែលយើងត្រូវឈប់បង្ហោះប៉េងប៉ោងទៅលើមេឃ

ការបង្ហោះប៉េងប៉ោងគឺជារឿងដែលគេតែងតែធ្វើសម្រាប់ការអបអរអ្វីមួយ ប៉ុន្តែការធ្វើបែបនេះប៉ះពាល់ជាខ្លាំងដល់ដី និងសមុទ្របំពុលផែនដី និងសត្វព្រៃផងដែរ។

ប៉េងប៉ោងជាវត្ថុគ្រោះថ្នាក់ធំបំផុតរបស់សត្វក្នុងទឹក

យោងទៅតាមការសិក្សាដែលធ្វើឡើងដោយសកលវិទ្យាល័យ Tasmania ប៉េងប៉ោងគឺជាគ្រោះថ្នាក់លេខ ១ របស់សត្វបក្សីសមុទ្រ ដែលត្រូវបានគេដឹងថាមានករណីងាប់នៃសត្វបក្សីសមុទ្រនេះច្រើនប្រភេទប្រមាណជា ១៧៣៣ ក្បាល ហើយ ១ ភាគ ៣ គឺងាប់ដោយសារសុីកំទេចកំទីសមុទ្រដូចជាប៉េងប៉ោងជាអាហារ។

លើសពីនេះទៅទៀត នៅពេលដែលវាធ្លាក់មកលើដី ឬសមុទ្រ សត្វជាច្រើនទាំងបក្សី អណ្តើក ត្រីដូលហ្វីន បាឡែន និងត្រីផ្សេងទៀតច្រឡំថាវាជាអាហារ ហើយលេបចូលក្នុងពោះទៀតផង។

ដើម្បីកាត់បន្ថយថាប្រើប្រាស់ប៉េងប៉ោង យើងអាចប្រើវត្ថុផ្សេងជំនួសបាន មានដូចជាពពុះសាប៊ូផ្លុំ បង្ហោះខ្លែង ប្រើកង្ហារក្រដាសវិល និងបណ្តែតផ្កាក៏បាន៕

ប្រភព៖ Bright Side