២ករណីដូចគ្នា! ឆ្លងវីរុសមិនដល់២៤ម៉ោងផង បានសម្លាប់វេជ្ជបណ្ឌិតឆ្នើម ២នាក់ទៀតហើយ

ចិន៖ យោងតាមការរាយការណ៍ពីខាងមន្រ្តីសុខាភិបាល បានបញ្ជាក់ឲ្យដឹងថា បុរសវ័យ៤២ឆ្នាំម្នាក់ ដែលធ្វើការនៅឯមន្ទីរពេទ្យមួយនៅជិតទីក្រុង Wuhan បានក្លាយជាវេជ្ជបណ្ឌិតទី២ ដែលបានស្លាប់បាត់បង់ជីវិត ដោយសារតែជំងឺកូរ៉ូណា ក្នុងរយៈពេល២៤ម៉ោង នៅក្នុងខេត្ត Hubei ប្រទេសចិន។

គួរឲ្យដឹងថា លោក Huang Wenjun ដែលជាអ្នកជំនាញផ្នែកវេជ្ជសាស្ត្រផ្លូវដង្ហើម លោកបានទទួលរងនូវការឆ្លងជំងឺរលាកសួតប្រភេទថ្មី វីរុសកូរ៉ូណា ឬ Covid-19 ខណៈកំពុងតែបំពេញភារកិច្ចនៅក្នុងមន្ទីរពេទ្យ Xiaogan Central Hospital នៅក្នុងខេត្ត Hubei ប្រទេសចិន និងបានស្លាប់បាត់បង់ជីវិត កាលពីវេលាម៉ោង ៧:៣០នាទីល្ងាច ម្សិលមិញនេះ។

តួយ៉ាង ក្រោយពីឮដំណឹងនេះភ្លាម ក៏មានអ្នកប្រើប្រាស់បណ្តាញទំនាក់ទំនងសង្គមជាច្រើន បាននាំគ្នាផ្ញើសារចួលរួមរំលែកទុក្ខដល់លោក វេជ្ជបណ្ឌិត Wenjun និងបានហៅលោកថា ជាវីរបុរសម្នាក់ដែលគួរឲ្យចងចាំថែមទៀតផងដែរ។

ដោយឡែក គួរឲ្យដឹងថាផងដែរ ករណីរបស់លោក Wenjun នេះគឺស្រដៀងទៅនឹងករណីរបស់ វេជ្ជបណ្ឌិតស្រីវ័យ២៩ឆ្នាំ Xia Sisi ផងដែរ ដោយរយៈពេលមិនដល់២៤ម៉ោងផង នាងក៏បានស្លាប់បាត់បង់ជីវិត ដោយសារតែឆ្លងមេរោគកូរ៉ូណា បន្ទាប់ពិនិត្យព្យាបាលអ្នកជំងឺ នៅឯមន្ទីរពេទ្យ Union Jiangbei Hospital នៃទីក្រុង Wuhan ខេត្ត Hubei ប្រទេសចិន។

ជាមួយគ្នានេះ ខ្មែរឡូត ក៏សូមចូលរួមរំលែកទុក្ខក្រៀមក្រំ ចំពោះវេជ្ជបណ្ឌិតដ៏ឆ្នើមទាំង២រូបនេះផងដែរ៕