ភ្នំពេញ៖ កាលពីថ្មីៗនេះ បានផ្ទុះឡើងនូវការភ្ញាក់ផ្អើលម្តងរួចមកហើយ បន្ទាប់ពីតារាសម្តែងស្រីល្បីឈ្មោះ ឌុច លីដា បានបង្ហោះនូវរូបថតទារកដ៏គួរឲ្យស្រលាញ់ជាច្រើនសន្លឹក នៅលើគណនីសង្គមរបស់ខ្លួន ដោយមិនមានបង្ហើបប្រាប់ឡើយថាគេគឺជានរណា និងត្រូវជាអ្វីនឹងនាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ពេលនេះមន្ទិលសង្ស័យទាំងប៉ុន្មានត្រូវបានស្រាយ បន្ទាប់ពីកាលពីម្សិលមិញនេះ ដែលជាថ្ងៃកំណើតរបស់កញ្ញា ឌុច លីដា នាងក៏បានធ្វើការនូវវីដេអូខ្លីៗជាច្រើន នៅលើគណនីអ៊ីនស្តាក្រាមផ្ទាល់ខ្លួនរបស់នាង ដោយក្នុងដៃមានឱបទារកម្នាក់ ទើបនឹងកើតជាប់នឹងដើមទ្រូង ដែលជាកូនប្រុសបង្កើតរបស់នាង និងមានឈ្មោះថា Leng ketyamny ។
តួយ៉ាង នៅក្នុងវីដេអូនោះ កញ្ញា ឌុច លីដា បាននិយាយលេងយ៉ាងច្រើនជាមួយនឹងកូនរបស់នាង ដែលកំពុងតែគេងលង់លក់នៅលើដើមទ្រូងរបស់នាង យ៉ាងគួរឲ្យស្រលាញ់ផងដែរ។
មិនតែប៉ុណ្ណោះ ក៏មានមិត្តៗរួមសិល្បៈជាច្រើន ធ្វើការជូនពរថ្ងៃកំណើតដល់កញ្ញា ឌុច លីដា ហើយក៏បានលើកសរសើរពីសម្រស់ក៏ដូចជាទម្រង់មុខដ៏ស្រស់សង្ហា របស់កូនប្រុសរបស់នាងថែមទៀតផងដែរ៕