អាមេរិក៖ គេបានឃើញយន្តហោះយោធាទាំងនេះ លើកចុងក្រោយ នៅពេលកងកម្លាំងអាមេរិកកំពុងវាយលុកគោលដៅ ដែលជាប្រទេសជប៉ុន នៅភាគខាងលិចមហាសមុទ្រប៉ាស៊ីហ្វិក អំឡុងសង្គ្រាមលោកលើកទី២។ «ប្រតិបត្តិការ Hailstone» នៅខែកុម្ភៈ ឆ្នាំ១៩៤៤ គឺជាជ័យជម្នះដ៏ដាច់ខាត សម្រាប់អាមេរិក។ ប៉ុន្តែ វាត្រូវបានពលីដោយកងកម្លាំងអាមេរិកចំនួន៤៤នាក់ និងយន្តហោះជាង២០គ្រឿងត្រូវបានបាត់បង់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឥឡូវនេះ គម្រោងស្ដារឡើងវិញ ដែលជាអង្គការមិនស្វែងរកប្រាក់ចំណេញ បានកំពុងស្វែងរកអ្នកដែលបានបាត់ខ្លួន តាំងពីសម័យសង្គ្រាមលោកលើកទី២ ហើយគេបានរកឃើញយន្តហោះចម្បាំង ដែលបានបាត់ចំនួន៣គ្រឿង។ យោងតាមសាកលវិទ្យាល័យ Delaware បានឲ្យដឹងថា យន្តហោះដែលបានលិចបាត់ រួមមានយន្តហោះទម្លាក់គ្រាប់បែក SBD-5 Dauntless ចំនួនពីរគ្រឿង និងយន្តហោះទម្លាក់គ្រាប់បែក TBM/F-1 Avenger ចំនួនមួយគ្រឿងផងដែរ។
ក្រុមអ្នកស្រាវជ្រាវមកពីសាលានិងវិទ្យាស្ថាន Scripps of Oceanography បានសហការជាមួយគម្រោង Project Recover ដើម្បីស្វែងរកយន្តហោះចម្បាំងចំនួន៣ ដែលមានជម្រៅពី ៣០ម៉ែត្រទៅ៦៥.៥ម៉ែត្រ នៅក្នុងសមុទ្រប្រទេស Micronesia ដែលលាតសន្ធឹងលើកោះតូចៗជាង៦០០ នៅភាគខាងលិចមហាសមុទ្រប៉ាស៊ីហ្វិក។ ប៉ុន្តែ វាអាចលឿនពេក ក្នុងការនិយាយថាតើ នៅពេលណាដែលកងកម្លាំងទាំង៧នាក់ ដែលជាប់ទាក់ទងនឹងយន្តហោះទាំង៣ អាចនឹងរកឃើញឡើងវិញ។
អ្នកដឹកនាំគម្រោង Project Recover ដែលជាអ្នកស្រាវជ្រាវបុរាណវិទ្យា គឺលោក Andrew Pietruszka បាននិយាយថា ក្រុមអ្នកស្រាវជ្រាវកំពុងប្រមូលរបាយការណ៍ សម្រាប់ការពិនិត្យឡើងវិញ ដោយរដ្ឋាភិបាលអាមេរិក ដើម្បីរៀបចំឲ្យមានដំណើរការមួយ ក្នុងការរកឃើញនិងកំណត់អដ្ឋិធាតុរបស់កងកម្លាំងយោធា រហូតដល់ចំនួន៧នាក់៕