អ៉ីតាលី៖ នៅក្នុងសន្និសីទកាសែតក្រុមអាជ្ញាធរបានឱ្យដឹងថា វេជ្ជបណ្ឌិត ៥ នាក់ និងមនុស្ស ១០ នាក់ផ្សេងទៀតបានធ្វើតេស្តឃើញថាភាពវិជ្ជមានចំពោះវីរុស នៅក្នុងទីក្រុង Lombardy និងពីរករណីផ្សេងទៀតនៅក្នុងទីក្រុង Veneto ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្សជាង ៥ ម៉ឺននាក់ត្រូវបានអាជ្ញាធរស្នើសុំឱ្យស្នាក់នៅក្នុងផ្ទះ ខណៈដែលសកម្មភាពផ្សេងៗនៅខាងក្រៅផ្ទះទាំងអស់ដូចជាការប្រារព្ធពិធី ដង្ហែក្បួននានា និងការចូលរួមសូត្រធម៌នៅព្រះវិហារ ឬ ព្រឹត្តិ្កការណ៍កីឡាទាំងអស់ ត្រូវបានហាមប្រាមរហូតដល់ទៅមួយសប្តាហ៍។
នាយករដ្ឋមន្រ្តីអ៉ីតាលី លោក Giuseppe Conte បានថ្លែងថា“ អ្វីៗស្ថិតក្រោមការគ្រប់គ្រងនឹងការឃ្លាំមើលពីរាជរដ្ឋាភិបាល” ហើយរដ្ឋាភិបាលបានសង្កត់ធ្ងន់ទៀតថា “ ពលរដ្ឋគ្រប់ត្រូវមានការប្រុងប្រយ័ត្នខ្ពស់ទៅលើវីរុស COVID-19 មួយនេះ” ។
ផ្លូវនៅតាមទីប្រជុំជនហាក់មានសភាពស្ងាត់ប្លែកដោយមានមនុស្សតែពីរបីនាក់ប៉ុណ្ណោះបានធ្វើដំណើរឆ្លងកាត់។ នៅក្នុងក្រុង Casalpusterlengo ប៉ាន់ណូដ៏ធំមួយដែលក្រៅក្រុង បានសរសេរថា "អំពីវីរុស COVID-19: យើងស្នើសុំឱ្យប្រជាជនគ្រប់ការពារខ្លួនពីវីរុស COVID-19 ដោយការស្នាក់នៅក្នុងផ្ទះនឹងត្រូវមានការប្រុងប្រយ័ត្នខ្ពស់”។
ទីក្រុងដំបូងដែលត្រូវបានបិទទ្វារគឺទីក្រុង Codogno ដែលមានប្រជាជនចំនួន ១៥០០០ នាក់ដែលក្នុងនោះមានមនុស្ស ៣ នាក់បានធ្វើតេស្តរកវីរុសនេះរួមមានបុរសម្នាក់មានអាយុ ៣៨ ឆ្នាំ និងប្រពន្ធរបស់គាត់ដែលមានផ្ទៃពោះ ៨ ខែផងដែរ។
មនុស្សបីនាក់ផ្សេងទៀតនៅទីក្រុងដដែលនេះ មានរោគសញ្ញាជំហានដំបូង ហើយក៏កំពុងរង់ចាំលទ្ធផលច្បាស់លាស់ហើយបុរសអាយុ ៣៨ ឆ្នាំម្នាក់នេះស្ថិតក្នុងស្ថានភាពធ្ងន់ធ្ងរ និងស្ថិតក្រោមការមើលថែយ៉ាងយកចិត្តទុកដាក់។
ភ្នាក់ងារកាសែតអ៉ីតាលីបានឱ្យដឹងថា “គាត់ធ្លាប់បានជួបសម្ភាសបុរសពីរនាក់កាលពីដើមខែនេះ ដែលបានទៅលេងកម្សាន្តនៅប្រទេសចិនកាលពីខែមករា បន្ទាប់ពីត្រឡប់មកវិញគាត់ហាក់បង្ហាញរោគសញ្ញាដូចជំងឺផ្តាសាយ ប៉ុន្តែក្រោយបានធ្វើតេស្ត គាត់មិនមានឆ្លងវីរុសនេះទេ”។
ក្នុងទីក្រុងតូចមួយនៃ Castiglione d'Adda ក៏មានមនុស្សបីនាក់ដែលបានឆ្លង ខណៈពួកគាត់មានវ័យចូលនិវត្តន៍ទៅហើយ ។ អភិបាលក្រុងនៅទីនោះបានថ្លែងថា ”អ្នកស្រុកមានការព្រួយបារម្ភយ៉ាងខ្លាំងអំពីការរីករាលដាលនៃជំងឺដ៏សាហាវនេះ”៕