ជប៉ុន៖ បេសកកម្មដោយទីភ្នាក់ងាររុករកអវកាសជប៉ុន (JAXA) ទៅកាន់ព្រះចន្ទចំនួនពីររបស់ភពអង្គារ រួមបញ្ចូលទាំងការបញ្ជូនយាន ទៅលើព្រះចន្ទមួយក្នុងចំណោមព្រះចន្ទទាំងពីរ គឺត្រូវបានត្រៀមចូលដំណាក់កាលអភិវឌ្ឍន៍ បន្ទាប់ពីផែនការត្រូវបានបញ្ជូន ទៅកាន់ក្រសួងវិទ្យាសាស្ត្ររបស់រដ្ឋាភិបាលជប៉ុន នៅសប្ដាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយដាក់ឈ្មោះបេសកកម្ម “Martian Moons Exploration” (MMX) គោលដៅរបស់វា គឺដើម្បីបើកការស្រាវជ្រាវ នៅឆ្នាំ២០២៤ ដោយប្រើរ៉ុក្កែត H-3 ថ្មីដែលត្រូវបានបង្កើតឡើងដោយ ក្រុមហ៊ុន Mitsubishi Heavy Industries ដែលត្រូវបានគេរំពឹងទុកថា នឹងបាញ់បង្ហោះជាលើកដំបូង នៅពេលណាមួយ ក្នុងឆ្នាំ២០២០។
ការស៊ើបអង្កេតនេះនឹងធ្វើការស្ទាបស្ទង់ និងសង្កេតមើលព្រះចន្ទចំនួនពីរ Phobos និង Deimos ដែលជាព្រះចន្ទធ្វើដំណើរតាមគន្លងភពអង្គារ។ សម្រាប់បេសកកម្ម MMX យានមួយនឹងត្រូវចុះចត នៅលើព្រះចន្ទ Phobos ហើយចំណែកយានអង្កេតមួយទៀត នឹងពិនិត្យមើលព្រះចន្ទទាំងពីរ ពីចម្ងាយតែម្ដង។
នេះគឺជាបេសកកម្មដំបូង ដែលមិនធ្លាប់មាន ដែលមានយានអវកាសចុះចត នៅលើផ្ទៃព្រះចន្ទមួយក្នុងចំណោមព្រះចន្ទទាំងពីរ ហើយវានឹងរួមបញ្ចូលទាំងយានសម្រាប់ធ្វើដំណើរមួយផ្សេងទៀត ដែលកំពុងត្រូវបានបង្កើតឡើងដោយ JAXA ក្នុងភាពជាដៃគូ ជាមួយក្រុមទីភ្នាក់ងារអវកាសអាល្លឺម៉ង់ DLR និងទីភ្នាក់ងារអវកាសបារាំង CNES។ បេសកកម្មនេះនឹងរួមបញ្ចូលទាំងផែនការ ដែលមានមហិច្ឆតា ដើម្បីប្រមូលសំណាកនៃផ្ទៃរបស់ព្រះចន្ទ Phobos ហើយបញ្ជូនវាត្រឡប់មកផែនដីវិញ សម្រាប់ការសិក្សា ដែលមានន័យថា វាជាការធ្វើដំណើរវិលជុំ សម្រាប់យានអវកាសរបស់បេសកកម្ម MMX ដែលនឹងវិលត្រឡប់មកកាន់ផែនដីវិញ នៅឆ្នាំ២០២៩។
ចំណែកអង្គការណាសា ក៏មានគម្រោងបេសកកម្ម នាំយកសំណាករបស់ភពអង្គារ ដោយប្រើប្រាស់យាន Mars 2020 ដែលជាយានធ្វើដំណើរ មានកង់ចំនួន៦ ដែលវានឹងចាប់ផ្ដើមបេសកកម្ម នៅក្នុងឆ្នាំនេះផងដែរ៕