អង់គ្លេស៖ តោខៀវ Chelsea បានផ្ដួលក្រុមមាន់ខ្នាយមាស Tottenham Hotspur ដោយលទ្ធផល ២ទល់នឹង១ នៅកីឡដ្ឋាន Stamford Bridge កាលពីយប់មិញ ក្នុងការប្រកួតក្របខណ្ឌលីគកំពូលអង់គ្លេស Premier League សប្ដាហ៍ទី២៧។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករខ្សែប្រយុទ្ធ Oliver Giroud ជាអ្នកស៊ុតជើងឆ្វេងបើកការនាំមុខឲ្យក្រុមរបស់លោក Frank Lampard នៅនាទីទី១៥។ បញ្ចប់វគ្គទី១ Chelsea នាំមុខមុន ១-០។
ចូលដល់វគ្គទី២ បានត្រឹមតែ៣នាទី Chelsea បន្តរកបានមួយគ្រាប់ទៀតដោយការស៊ុតជើងឆ្វេងពីលើដំបូលទូកយ៉ាងល្អរបស់កីឡាករអេស្ប៉ាញ Marcos Alonso ក្រោយទទួលបាល់បញ្ជូនពីមិត្តរួមក្រុម Barkley។ ការប្រកួតអូសបន្លាយដល់នាទីទី៨៩ Spurs បានរកមួយគ្រាប់តាមពីក្រោយមកវិញ ដោយការធ្វើឲ្យចូលទីខ្លួនឯងរបស់ខ្សែការពារ Chelsea កីឡាករ Rudiger។ បញ្ចប់ការប្រកួត៩០នាទី Chelsea យកឈ្នះ Spurs ២-១។
ក្រោយបញ្ចប់ការប្រកួតនោះ ចំណាត់ថ្នាក់របស់ក្រុមទាំងពីរមិនមានការប្រែប្រួលនោះទេ ដោយ Chelsea បន្តឈរនៅលេខ៤ដដែល មាន៤៤ពិន្ទុ ចំណែកឯ Spurs ក៏បន្តឈរនៅលេខ៥ មាន៤០ពិន្ទុ៕
ចង់ឃើញថា មួយគ្រាប់របស់ Alonso ស៊ុតពីលើដំបូលទូក ល្អយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖