ទាន់ឱកាសហុចអោយ Barcelona ចង់បានតារាឆ្នើមម្នាក់ដែលជាសំលាញ់របស់ Cristiano Ronaldo

បើសិនជាទណ្នកម្មពិន័យរបស់សហព័ន្ធ UEFA លើក្លឹបគ្រងជើងឯកលីកកំពូលអង់គ្លេស Man City មិនមានការកែប្រែទេនោះ វាជាឱកាស់ដ៏ល្អមួយសម្រាប់ក្លឹបមានលុយដ៏ទៃៗ ក្នុងការជះលុយទិញយកកីឡាករល្អៗចេញពីក្លឹបដែលនឹងជាប់ពិន័យមិនបានលេង Champion League ២រដូវកាលមួយនេះ ។

បើយោងតាមប្រភពពីកាសែតល្បីដែលមានឈ្មោះថា Express បានឲ្យដឹងថា ក្លឹបអ្នកមានបុណ្យ Barcelona កំពុងតែសិក្សាលើជំរើស និងភាពដែលអាចធ្វើបាន ក្នុងការឆក់យកតារាឆ្នើមសញ្ជាតិប៉កទុយហ្គាល់ Bernardo Silva ។

វាច្បាស់ណាស់ដែលថាក្លឹបចាយលុយដូចក្រដាស់ Manchester City មិនចង់លក់កីឡាករល្អៗណាមួយរបស់គេចេញពីក្លឹបឡើយ ប៉ុន្តែទណ្នកម្មពី UEFA ក្នុងការពិន័យហាមមិនឲ្យលេងនៅ Champion League 2 ឆ្នាំនេះ អាចជាសំពាធដ៏ធ្ងន់មួយសំរាប់កីឡាករ ក៏ដូចជាក្រុមទាំងមូល ។

ចំលើយតបដំបូងពី Man City ត្រូវបានរំពឹងថាមិនមានលទ្ធផលគាប់ប្រសើរឡើយ ប៉ុន្តែ Barcelona បានរៀបចំរួចស្រេចហើយក្នុងការចរចាយូរអង្វែងរវាងក្លឹបទាំង២ ខណៈដែល Bernardo Silva ផ្ទាល់កំពុងតែផ្តោតលើអាជីពនៅ Man City ដោយរកបាន ៧គ្រាប់ ថែមទាំងបញ្ជូនបាល់ឲ្យដៃគូរស៊ុត (assists) បាន៨គ្រាប់ផងដែរនៅរដូវកាលនេះ ៕

ប្រភព៖ besoccer