អ្នកជំងឺកូរ៉ូណា​ម្នាក់ ត្រូវបាននាំ​មកព្យាបាលនៅមន្ទីរពេទ្យម្តង​ទៀត ​ក្រោយ​គ្រូពេទ្យធ្វើតេស្តរកឃើញវីរុសកូរ៉ូណាលើខ្លួនគាត់ជាថ្មី

ចិន៖ មណ្ឌលសុខភាពសាធារណៈក្នុងប្រទេសចិន​បានរាយការណ៍កាលពីថ្ងៃសុក្រថា អ្នកជំងឺ​ម្នាក់ដែលបានទទួលការព្យាបាលជាសះស្បើយ ហើយត្រូវ​អនុញ្ញាត្តឱ្យវិលត្រឡប់ទៅផ្ទះវិញនៅឯភាគនិរតី​ខេត្តស៊ីឈួននោះ ត្រូវបាន​ក្រុមគ្រូពេទ្យធ្វើតេស្តរកឃើញវីរុសកូរ៉ូណាជាថ្មីម្តងទៀត។

នៅក្នុងរបាយការណ៍របស់មជ្ឈមណ្ឌលសុខភាពសាធារណៈបានឱ្យដឹងទៀតថា អ្នកជំងឺត្រូវបានធ្វើ​តេស្តរកឃើញវីរុសកូរ៉ូណាក្នុងរយៈពេល​ ១០ថ្ងៃ ក្រោយ​វិលត្រឡប់មកវិញ។ ហើយក្នុងនោះដែរ ករណីស្រដៀងគ្នានេះត្រូវបានគេរាយការណ៍ថា វាក៏បានកើតឡើងនៅក្នុងតំបន់ផ្សេងៗទៀតដែរ។

ស្របពេលដែលករណីទាំង​នោះចេះតែបន្តកើនមានឡើង ពេលនេះគណៈកម្មាធិសុខភាពជាតិរបស់ប្រទេសចិនបាន​ចេញសេចក្តីណែនាំ ដែលតម្រូវឱ្យអ្នកជម្ងឺដែលបានទទួលការព្យាបាលជាសះស្បើយ ត្រូវឆ្លងកាត់ការធ្វើតេស្តឱ្យបានយ៉ាងហោចណាស់ ២ ដងមុនពេលអនុញ្ញាត្តឱ្យចាកចេញពីមន្ទីពេទ្យ។

គណៈកម្មាធិសុខភាពជាតិរបស់ប្រទេសចិនបានណែនាំទៀតថា អ្នកជំងឺទាំងអស់ត្រូវចេះតាមដានសុខភាព​ខ្លួនឯងឱ្យបានយ៉ាងហោចណាស់ ១៤ ថ្ងៃ ហើយសើសពីនេះទៀត ពួកគេត្រូវពាក់​ម៉ាសការពារការ និងកាត់បន្ថយសកម្មភាពចេញទៅខាងក្រៅ ​ព្រោះថាពួកគេនៅតែមានសារហានិភ័យខ្ពស់ក្នុងការឆ្លងមេរោគផ្សេងៗទៀតដែលបង្កជាជំងឺ៕