សេអ៊ូល៖ ប្រទេសកូរ៉េខាងត្បូងបានរាយការណ៍ពីករណីអ្នកឆ្លងវីរុសកូរ៉ូណាថ្មីចំនួន ៥២ នាក់បន្ថែមទៀត ដែលនាំឱ្យចំនួនអ្នកឆ្លងសរុបនៅក្នុងប្រទេសនេះបានកើនឡើងដល់ ១៥៦ នាក់។ នេះបើយោងតាមរបាយការណ៍របស់ទីភ្នាក់ងារព័ត៌មានកូរ៉េ Yonhap ចេញផ្សាយនៅព្រឹកថ្ងៃសុក្រ ទី២១ ខែកុម្ភៈនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលគ្រប់គ្រងនិងបង្ការជំងឺរបស់កូរ៉េខាងត្បូងបានរាយការណ៍ថា ក្នុងចំណោមអ្នកឆ្លងវីរុសកូរ៉ូណាទាំង ១៥៦ ករណីមាន ៣៩ ករណីត្រូវបានគេរកឃើញថា វាមានប្រភពមកពីព្រះវិហារ Shincheonji ដែលស្ថិតនៅភាគខាងត្បូងទីក្រុងដាហ្គូ។
គួរជម្រាបផងដែរថា ស្របពេលដែលករណីអ្នកឆ្លងវីរុសកូរ៉ូណាចេះតែបន្តកើនឡើង ពេលនេះអភិបាលក្រុងដាហ្គូរបស់កូរ៉េខាងត្បូង បានចាត់វិធានការណ៍ហាមឃាត់ពលរដ្ឋខ្លួនប្រមាណ ២,៥ លាននាក់ឱ្យស្នាក់នៅក្នុងផ្ទះ ហើយហាមមិនឱ្យធ្វើដំណើរចេញទៅខាងក្រៅប្រសិនបើមិនមានការចាំបាច់ ព្រោះធ្វើដូចនេះវានឹងអាចជួយទប់ស្កាត់ការចម្លងវីរុសកូរ៉ូណាពីមនុសម្នាក់ទៅមនុស្សម្នាក់ទៀតបាន៕
សូមទស្សនាវីដេអូខាងក្រោម៖