ក្រុមហ៊ុន Samsung ថ្មីៗបានចេញមុខសុំទោសអ្នកប្រើប្រាស់ទូរស័ព្ទSamsung បន្ទាប់ពីខ្លួនបានផ្ញើសារ (Find My Mobile) ដោយចៃដន្យទៅទូរស័ព្ទរាប់ពាន់គ្រឿងក្នុងពេលមួយយប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតិថិជនមួយចំនួនបានត្អូញត្អែរនៅលើបណ្តាញសង្គមថា ការផ្ញើសាររបស់ក្រុមហ៊ុនយ៉ាងដូច្នេះ បានធ្វើឱ្យពួកគេព្រួយខ្លាចថា ត្រូវបានគេលួចចូលយកទិន្នន័យពីក្នុងមុខងារសមខាន់ៗ។
ជាការឆ្លើយតប នៅក្នុងសេចក្តីថ្លែងការណ៍ក្រុមហ៊ុន Samsung បាននិយាយថា សារទាំងនោះត្រូវបានបញ្ជូនដោយអចេតនាតែប៉ុណ្ណោះ។
អតិថិជនរាប់ពាន់នាក់បានបង្ហោះនៅលើបណ្តាញសង្គម និងគេហទំព័រព័ត៌មាន Reddit ដោយមានការចែករំលែកបន្តពីរូប Screenshots នៃការជូនដំណឹង និងសួរថាតើវាមានអីកើតឡើង។
ពួកគេអះអាងថា សារទាំងនោះបានជះឥទ្ធិពលដល់ទូរស័ព្ទGalaxy ដែលដំណើរការលើប្រព័ន្ធប្រតិបត្តិការ Android OS ឬថ្មីជាងនេះរួមមានទូរស័ព្ទ Galaxy S ចុងក្រោយបង្អស់របស់ Samsung ទូរស័ព្ទ Z-Flip ថ្មី និងកុំព្យូទ័រថេប្លេត Samsung មួយចំនួន។ សារដាស់តឿនទាំងនោះ មិនមានអ្វីប៉ះពាល់នោះទេ។
ក្រុមហ៊ុន Samsung បាននិយាយថាសារនេះគឺជាលទ្ធផលនៃការសាកល្បងតេស្តប្រព័ន្ធ ហើយវាមិនបានបង្ក បញ្ហាអ្វីដល់ទូរស័ព្ទដែលបានទទួលនោះទេ៕