ចង់ស្រកទម្ងន់លឿន? ហេតុផល​ទាំងនេះ​​បង្ហាញ​ថា អាហារ​ពេល​​ព្រឹក​​​​អាច​ធ្វើ​អោយ​ស្រក​ទម្ងន់​លឿនបំផុត

ការសិក្សាស្រាវជ្រាវបានរកឃើញថា ការបរិភោគអាហារពេលព្រឹកដ៏សមស្របមួយពេលរាល់ថ្ងៃ អាចដុត​បំផ្លាញ កាឡូរី​បាន​ច្រើនទ្វេដង ល្អជាងអាហារពេលល្ងាចឆ្ងាយណាស់។

ថ្មីៗនេះអ្នកស្រាវជ្រាវបាន​និយាយថា៖ អ្នកដែលប​រិភោគអាហារពេលព្រឹក និងអាហារនោះជាអាហារ​ដែលពោរពេញ​ដោយសារធាតុបំប៉ន និង​វីតាមីន បន្ទាប់ពីក្រោកពីដំណេក​គឺវាប្រៀបដូចជាអាហារមាសដែលអាចដុតបំផ្លាញកាឡូរី ២ ដង ឬច្រើនជាងនេះ។

ដំណើរការនេះ ជួយពន្លឿនដំណើរការមេតាប៉ូលីសដោយបង្កឱ្យមានដំណើរការមួយដែលគេហៅថា thermogenesis​ មានន័យថាការបង្កើតកំដៅនៅក្នុងខ្លួនដែលបង្កដោយរបបអាហារ (DIT)។​វាជួយដុតកាឡូរីដែលយើងបានទទួលទានជាប្រចាំ ហើយស្ថិតក្នុងរាងកាយរបស់ដែលបង្កអោយយើងកើតរោគធាត់។

ការរកឃើញនេះមានសារសំខាន់សម្រាប់មនុស្សគ្រប់រូប ព្រោះវាបញ្ជាក់ពីតម្លៃនៃការទទួលទាន​អាហារពេលព្រឹក​ឱ្យបានគ្រប់គ្រាន់ជាពិសេសគឺទៀងទាត់ ព្រោះសំរាប់យុវវ័យសព្វថ្វៃ ការញុំាអាហារពេលព្រឹកដែលពោរពេញ​ដោយសារធាតុបំប៉ន់ និង​វីតាមីនគឺមានការធ្លាក់ចុះជាខ្លាំង។​

ពួកគេជ្រើសអាហារស្រាប់ដែលអាចស្រួលរកបាន​បំផុត(fast food) ខណៈដែលដឹងថាអាហារទាំងគឺមិនល្អសំរាប់ សុខភាពនោះទេ វាសំបូរទៅដោយកាឡូរីខ្ពស់ងាយបង្កអោយកើតជងឺធាត់លឿនបំផុត។

ជារួម វិធីសម្រកទំងន់ល្អបំផុតគឺការញ៉ាំអាហារព្រឹកដែលពោរពេញដោយសារធាតុបំប៉ន ព្រមទាំងវីតាមីនរបស់​អ្នកនៅពេលព្រឹក និងញុំាតិចតាមដែលអាចធ្វើបាននៅពេលល្ងាច៕